Finlanda, qendër e re mbikëqyrjeje detare nga vendet e BE-së dhe Baltikut

Roja Kufitare Finlandeze do të krijojë një qendër të re mbikëqyrjeje detare së bashku me vendet e tjera të Detit Baltik dhe Komisionin Evropian, për të mbrojtur infrastrukturën kritike nënujore në Gjirin e Finlandës, u njoftua sot.

“Autoritetet kompetente duhet të kenë aftësinë dhe autoritetin për të ndërhyrë në situatat që ndodhin në ujërat territoriale dhe zonën ekskluzive ekonomike”, thuhet në njoftimin përkatës.

Rajoni i Detit Baltik është vënë në gatishmëri të lartë pas një serie sulmesh ndaj kabllove dhe tubacioneve nënujore që kur Rusia pushtoi Ukrainën në vitin 2022, ndërsa NATO ka rritur praninë e saj në Baltik me fregata, avionë dhe dronë.