VIDEO/ Dy gola brenda tri minutash, Harry Kane i jep fitoren Bayernit përballë Royal Union
Bayerni i Mynihut ka zhbllokuar sfidën ndaj skuadrës belge Royale Union Saint-Gilloise, duke kaluar në epërsi 1-0 në minutën e 52-të. Pas një goditjeje këndi të ekzekutuar saktë, Harry Kane u gjend në vendin e duhur dhe me një goditje të saktë me kokë dërgoi topin në rrjetë, në krahun e djathtë të portës.
Gjermanët kishin paralajmëruar më herët golin, teksa në minutën e 40-të Raphael Guerreiro u tregua i rrezikshëm pas një tjetër goditjeje këndi të Joshua Kimmich, por tentativa e tij përfundoi pak mbi traversë. Nga ana tjetër, belgët u shfaqën me pretendime në minutën e 29-të, kur Promise David provoi me kokë, por portieri i Bayern-it ishte i vëmendshëm dhe neutralizoi rastin.
Harry Kane realizon një goditje perfekte nga pika e penalltisë (55'), duke e dërguar topin ulët në këndin e djathtë të portës. Portieri Kjell Scherpen mbetet pa asnjë mundësi reagimi, ndërsa Bayern Munich rrit avantazhin falë ekzekutimit të saktë të sulmuesit anglez.