'Prona private, gangrena që po shpopullon Shqipërinë', Gjikuria: Në Himarë, çertifikatat mbesin në sirtarët e politikanëve

I ftuar ditën e sotme ne 'Kafe Shqeto', Petro Gjikuria, ish-kandidati i opozitës për Bashkinë e Himarëse ka argumentuar se rrënja e largimit masiv të shqiptarëve nuk qëndron tek pagat e ulëta, por tek një problem më i thellë dhe i pazgjidhur: çështja e pronës private.

SipasGjikurisë, problemi i pronës është një "gangrenë" që ka kapluar të gjithë vendin. Ai theksoi se prona private, si "djersa e gjyshërve dhe prindërve", është një çështje thelbësore që lidhet drejtpërdrejt me vendimin e qytetarëve për t'u larguar.

Duke marrë si shembull rastin e Himarës, ish-kandidati vuri në dukje se premtimet për dhënien e certifikatave të pronësisë kanë mbetur pezull, duke krijuar një pasiguri të madhe.

Centralizimi i pushtetit në Tiranë, ku çdo leje apo vendim duhet të kalojë përmes kryeqytetit, e përkeqëson më tej situatën dhe i lë komunitetet lokale pa fuqi veprimi. Kjo pasiguri lidhet ngushtë me situatën politike në vend.

Gjikuria ngriti pyetjen se si është e mundur që kryeministri Rama fiton një mandat të katërt në këto kushte. Përgjigjja, qëndron në mungesën e një klase të mesme, e cila është shtylla kurrizore e çdo ekonomie të shëndoshë.

Në vend të saj, shoqëria shqiptare është e polarizuar mes një grupi shumë të pasurish dhe një mase të madhe të varfërish.

Ai bëri një paralele me Shtetet e Bashkuara, ku mandati presidencial është i kufizuar në tetë vite, duke sugjeruar se në Shqipëri "karrigia është shumë e ëmbël" dhe e vështirë për t'u lënë. 

Deklarata e plotë:

“Diçka nga Amerika duhet të ishte bërë yesterday, ta kishte ta kishim bërë dje. Të ishte Kurse Amerika i merr gjërat avash-avash.

Tani unë dua t'ju them edhe një diçka tjetër, që neve nuk duhet t'i presim të gjitha nga Amerika. Amerika do bëjë ato që do bëjë.

Shqipëria është një vend strategjik. Më kanë pyetur shumë për atë, po nuk është, nuk bëjmë, s'kemi lidhje, është tjetër situatë ajo. Po këtu duhet të shikojmë gjendjen këtu brenda, se çfarë bëhet këtu brenda. Pse Rama fiton katër mandate? Po të ishte gjë e mirë që të ishte katër, pesë mandate në politikë edhe në qeverinë e një shteti, do ishte bërë në Amerikë.

 Po Amerika e ka tetë vjet. Se pastaj kur kalon tetë vjeçari karrigja është shumë e ëmbël edhe është vështirë ta lësh. Ai është problemi më i madh. Këtu duhet ta shikojmë pse del Rama.

Njerëzit këtu, këtu unë nuk shikoj të ketë klasë të mesme. Këtu ka shumë të pasur, shumë të varfër.

Klasa e mesme është ajo që mban ekonominë. Këtu klasa e mesme nuk ekziston. Njerëzit janë shumë të varfër.

Duhet të gjejmë pse shpopullohet vendi. Çfarë ndodh këtu, pse ikin? Pse ikën rinia, ë? Këtu duhet t'i gjejmë.

Unë kam arritur në një konkluzion duke parë se kam shumë vjet që me shoqatën e Himariotëve në Amerikë mundohemi, gjithmonë kam qenë i lidhur me Himarën edhe në zgjedhje, pas zgjedhjeve, gjithmonë vetë edhe vij. Takohem me njerëz, probleme.

Unë atë që kam parë që gjëja më thelbësore pse ikin shqiptarët është lidhet direkt me pronën.

Prona private është diçka e dhimbshme, është djersa e gjyshërve tanë, e prindërve tanë.

Prona private, kjo gangrenë që shpopulloi gjithë Shqipërinë, duhet të ishte zgjidhur. Nuk të mban asgjë në këtë vend. Çfarë do të mbajë në këtë vend? Të marrësh 500 euro në muaj rrogë dhe nuk e di se sa është.

Por, po pate pronën do punosh te prona jote, do kesh shtëpinë tënde, do kesh çertifikatën e shtëpisë.

Në qoftë se mban mend në Himarë, unë i lidh gjithë këto me Himarën, se Himarën e di një çikë më shumë.

Duhet të dini që para zgjedhjeve për bashkinë e Himarës, zoti Tavo tha që kam në sirtar  me dollapit e tavolinës 700, nuk e di sa tha, 700-800 çertifikata shtëpie që do t'i jap.

Janë gati. Ka kaluar një vit e gjysëm edhe nuk kanë ardhur ato. Nuk e di çfarë ka pësuar me sirtaret, po nuk ka dhënë asnjë gjë.

Me një fjalë, në Himarë nuk mund të ndërtosh një shtëpi, nuk mund të rregullosh...

 nuk bën asnjë gjë atje se nuk të japin leje. Me një fjalë, çdo gjë që do bësh në Himarë duhet të vijë nga Tirana. Imagjino, janë mbledhur, çdo gjë është mbledhur në Tiranë. Bashkia atje, ajo i di problemet. Nuk i di Tirana çfarë problemesh ka Himara, çfarë problemesh ka Korça, çfarë problemesh ka Shkodra.  Duhet të ndahen gjërat, nuk i merr një njeri të gjitha".