Milan-Lecce, formacionet zyrtare: Jashari merr vendin e Modric-it, shans për Estupinan

Milani dhe Lecce përballen këtë mbrëmje në ‘San Siro’ për javën e 21-të të Serisë A, me trajnerin Massimiliano Allegri që sjell disa ndryshime në formacion. Luka Modric pushon këtë herë, ndërsa vendin e tij në mesfushë e merr Arlind Jashari, i vendosur në rolin e “regjisorit”. Në mesfushën e djathtë nuk aktivizohen Fofana apo Loftus-Cheek, por Ricci merr rolin e titullarit.

Në krahun e djathtë të sulmit rikthehet Estupinan, i cili ka një mundësi të re pas një paraqitjeje të dobët në ndeshjen ndaj Fiorentinës. Sulmi mbahet nga Christian Pulisic dhe Rafa Leao, me Nkunku në pankinë. Pulisic, i njohur si “Kapiteni Amerika”, ka një rekord të mirë ndaj Lecce-s, duke shënuar 6 gola në 5 ndeshje të mëparshme kundër salentinëve. Mbrojtja e kuqezinjve mbetet e konfirmuar, me De Winter në krahun e majtë dhe Pavlovic në pankinë.

Lecce vjen e dobësuar në mbrojtje për shkak të mungesave të Danilo Veiga-s dhe Gaspar, të pezulluar. Ndaba dhe Siebert zënë vendet e tyre në krahun e djathtë dhe qendër. Në mesfushë rikthehet Ramadani pas pezullimit, ndërsa Banda dhe Francesco Camarda mbeten në pankinë për shkak të lëndimeve.