Lajm i keq për Muçin pas supergolit, do të mungojë në ndeshjen e ardhshme
Fansat e Trabzonsporit do të ndihen të zhgënjyer! Ernest Muçi, u cili solli fitoren në minutat e fundit ndaj Kocaelispor me një gol spektakolar, nuk do të mund të luajë në sfidën e ardhshme për shkak të pezullimit.
Në javën e 18-të të Superligës turke, Trabzonspori triumfoi 2-1 në transfertë ndaj Kocaelispor, duke vazhduar ndjekjen e kryesuesve të renditjes. Gol i fitores erdhi pikërisht nga Muçi në minutën 90+1’. Sulmuesi shqiptar mori një pasim të saktë nga Zubkov dhe me një goditje të fuqishme e çoi topin në rrjetë, duke i dhënë tri pikët skuadrës së tij.
Megjithatë, për fat të keq për tifozët, Muçi ishte në situatë pezullimi pas kartonit të verdhë të marrë në minutën e 77-të. Kjo do të thotë se ‘ylli’ i skuadrës nuk do të jetë në dispozicion për ndeshjen e radhës kundër Kasimpasës.
Për 24-vjeçarin, ky është një moment i jashtëzakonshëm sezoni: në gjashtë ndeshjet e fundit, ai ka shënuar 8 gola dhe ka dhënë 2 asistime, duke treguar formë fantastike dhe duke konfirmuar veten si një nga lojtarët kyç të skuadrës.
Trabzonspori tani do të duhet të kërkojë alternativa për të zëvendësuar sulmuesin e shpejtë dhe efektiv në sfidën e ardhshme, ndërsa Muçi do të rikthehet pas pezullimit për të vijuar serinë e tij të jashtëzakonshme.
Ernest Muçi scores at stoppage times.
— Goals Xtra (@GoalsXtra) January 18, 2026
🇹🇷 Kocaelispor 1-2 Trabzonsporpic.twitter.com/1HmYRuDvUJ