VIDEO/ Milani fiton me përmbysje ndaj Comos dhe ngjitet në vend të dytë
Milani ka regjistruar një fitore të rëndësishme në transfertë ndaj Comos, duke përmbysur rezultatin dhe triumfuar me shifrat 1-3, në një ndeshje ku Adrien Rabiot ishte protagonisti absolut.
Skuadra vendase kaloi e para në epërsi në minutën e 10-të, kur Marc Oliver Kempf u shkëput më lart se mbrojtja pas një goditjeje nga këndi dhe me kokë realizoi për 1-0.
Como vazhdoi të ishte e rrezikshme dhe në minutën e 41-të ishte pranë golit të dytë, por portieri Mike Maignan shpëtoi Milanin me një pritje vendimtare pas goditjes nga afërsia të Lucas Da Cunha.
Momenti kyç i pjesës së parë erdhi në minutën e 44-të, kur Kempf shkaktoi penallti.
Christopher Nkunku u tregua i saktë nga pika e bardhë në minutën 45+1, duke barazuar shifrat në 1-1.
Në pjesën e dytë, Milani mori kontrollin e lojës dhe në minutën e 55-të arriti përmbysjen.
Adrien Rabiot përfitoi nga një top i mbetur në zonë dhe me një goditje të saktë shënoi për 1-2.
Francezi vulosi fitoren në minutën e 88-të me një supergol nga distanca, duke e dërguar topin në këndin e poshtëm të portës për rezultatin përfundimtar 1-3.
Me këtë sukses, Milani ngjitet në vendin e dytë të renditjes me 43 pikë, ndërsa Como mbetet në pozitën e gjashtë me 34 pikë.
Golat
https://streamin.link/v/36fa2f42
🚨🇮🇹 | GOAL: CHRISTOPHER NKUNKU HAS EQUALIZED FOR MILÁN WITH A PENALTY!
— TheGoalsZone (@TheGoalsZone) January 15, 2026
Como 1-1 Milan.
pic.twitter.com/202y7XorPN