Rey Manaj transferohet në Kinë, nis një kapitull të ri ‘milioner’ me skuadrën ambicioze

Rey Manaj ka zyrtarizuar transferimin e tij më të ri, duke u larguar nga Sharjah FC për të nisur një aventurë të re në kampionatin kinez.

Sulmuesi i Kombëtares shqiptare ka firmosur me Zhejiang Professional FC, një nga skuadrat më ambicioze të Superligës së Kinës.

Marrëveshja është për dy sezone, ndërsa paga e Manajt raportohet të jetë ndër më të lartat në karrierën e tij, duke reflektuar rëndësinë që klubi i ri i ka dhënë këtij transferimi. Zhejiang synon të forcojë repartin ofensiv dhe Manaj shihet si pika kyçe e projektit të tyre.

Pas një periudhe pozitive në Lindjen e Mesme, 27-vjeçari vendosi të pranojë ofertën nga Kina, ku pritet të ketë rol protagonisti.

Ky transferim përfaqëson një hap të rëndësishëm edhe për vazhdimësinë e tij me Kombëtaren, në prag të sfidave të ardhshme ndërkombëtare.

Me eksperiencë në disa kampionate europiane dhe tashmë aziatike, Rey Manaj vazhdon të mbetet një nga emrat më të rëndësishëm të futbollit shqiptar në arenën ndërkombëtare.