Berisha: Ky është kushtrim për çdo qytetar shqiptar. Të fillojmë betejën për largimin sa më parë të Ramës nga pushteti

Kreu i Partisë Demokratike, Sali Berisha, ka bërë një apel të fuqishëm për çdo qytetar shqiptar, duke e cilësuar betejën për largimin e Edi Ramës nga pushteti si një detyrim moral dhe kombëtar.

Ai ka kritikuar ashpër qeverinë e Rilindjes, duke thënë se përfaqësuesit e saj kanë humbur çdo dinjitet dhe janë bërë të papërgjegjshëm, duke u shndërruar në shembuj të korrupsionit dhe shpërdorimit të pushtetit. Berisha ka theksuar se çdo ditë që Rama qëndron në pushtet, ai e humbet legjitimitetin, pasi ka përdorur zgjedhjet si farsë, ka vjedhur qytetarët dhe ka përdorur imunitetin si mburojë për krimet e tij.

Berisha ka bërë thirrje për një mobilizim të gjithë shqiptarëve në një betejë të përbashkët për t’i dhënë fund regjimit të Ramës, duke e cilësuar këtë si një moment historik për të mbrojtur dinjitetin dhe shtetin ligjor. 

Fjala e tij:

A i keni parë rilindasit ju? Të gjithë kanë marrë fytyrën e Lubisë. U ka ikë fytyra. Po, absolutisht u ka ikur fytyra. Janë vetë mëkatarë, por jo në shkallën e këtyre. Jo në këtë shkallë. Nuk ka ndodhur kurrë. 

Ai po përpiqet në të gjitha mënyrat të lobojë, stërlobojë, por në mënyrë absolute gjë në botë nuk do ta shpëtojë nga qytetarët shqiptarë.
Ndaj dhe ne jemi këtu për ti dhënë një zotim solem se do të ngremë në këmbë çdo shqiptar gjer në largimin e tij.
Çdo ditë që kalon është një ditë që nuk legjitimet për të. Nuk ka legjitimitet kurrë një njeri që shndërron zgjedhjet në farsë. 
Nuk ka legjitimitet kurrë një qeveritar që vjedh qytetarët.
Nuk ka legjitimitet kurrë një qeveritar që shkel ligjin dhe nxjerr imunitetin si mburojë.
Duhet me çdo kusht të bëhet përgjegjës para ligjit. 
Le të shkojë ku të dojë, në qiell dhe në tokë, vrimë miu nuk do të gjejë, në rast se vazhdon të bllokojë Kushtetutën dhe ligjin.
Kjo duhet të jetë e qartë për çdo shqiptar. Ky është kushtrim, është një apel për guximin dhe dinjitetin e çdo qytetari shqiptar. 
Asnjë kryeministër në memorien e kohës, nuk ka guxuar pas rënies së perdes së hekurt të veprojë në këtë mënyrë. Jo, asnjë.
Viktor Ponta, u informua se prokuroria po e hetonte, dha dorëheqjen si kryeministër, pa thirrur. Kurse ky nuk e jep. Thashë, në dosje në 3 rreshta, dy janë për Ramën. 
AKSHI në 3 rreshta, dy janë për Lindën, Frangun dhe për vetë Edi Ramën, se ai thotë se është gjysma më e mirë e imja.
Kështu thotë. Është për Edi Ramën.
Pra, këtë situatë kemi ne. Ky është dramaticiteti i situatës. 
Ky është kushtrim, thirrje për çdo qytetar të ndershëm shqiptar kudo që ndodhet. Të fillojmë betejën për largimin sa më parë të tij nga pushteti.