Superliga / Vllaznia ndal marshimin e Egnatias, Flamurtari befason Elbasanin

Java e 19-të e Superiores ka dhuruar emocione të mëdha për tifozët shqiptarë, me rezultate që ndryshojnë tabelën dhe forcojnë garën për kreun e renditjes.

Në një ndeshje të luftuar dhe dramatike, Vllaznia ka marrë një fitore shumë të rëndësishme në shtëpi ndaj Egnatias, duke i rikthyer kuqeblutë në garë për kreun e renditjes.

Diferencën e bëri një aksion spektakolar i finalizuar nga Kallaku në pjesën e parë.

Shkodranët mbrojtën me rregull portën e tyre, duke i mbajtur larg rrezikut rrogozhinasit, të cilët u ndalën disa herë nga ndërhyrjet e kujdesshme të Pohls.

Fitore që ka dyfish efekt: moral dhe pikë, duke e kthyer Vllazninë përsëri në rrugën për t’u afruar me kryesuesit.

Ndërkohë, në “Elbasan Arena”, Flamurtari ka arritur të marrë një barazim 1-1 ndaj Elbasanit në një ndeshje ku verdheblutë dominojnë deri në minutën e 80-të.

Goli i Elbasanit erdhi nga një penallti e Diallos në minutën e 73-të, por më vonë Oshafi i Flamurtarit barazoi rezultatin, duke tronditur vendasit.

Pas kësaj jave, Elbasani mbetet në vendin e dytë me 3 pikë më pak se Egnatia, ndërsa Flamurtari renditet i parafundit, me vetëm 4 pikë më pak se Vora, skuadra që ndodhet jashtë zonës së rrezikshme.