Nga nesër mos kaloni nga aksi Tiranë-Rinas, punimet në mbikalimin e ri në Qafë Kashar devijojnë qarkullimin e mjeteve

Autoritetet rrugore kanë njoftuar mbylljen e aksit Tiranë-Rinas, për shkak të punimeve që do të kryhen në mbikalimin e ri në Qafë Kashar.

Autoriteti Rrugor Shqiptar njofton se aksi do të bllokohet në intervalin 20:00 – 06:00 në datat 13–14.01.2026, ndërsa qarkullimi i automjeteve do të devijohet përmes rrugëve alternative.

Njoftimi

Për shkak të punimeve që po kryhen nga Autoriteti Rrugor Shqiptar për ndërtimin e mbikalimit të ri në Qafë Kashar, do të ketë bllokim të rampës në drejtimin Tiranë → Rinas.

Ky aks do të bllokohet në intervalin 20:00 – 06:00 në datat 13–14.01.2026.

Njoftimi është bërë nga Autoriteti Rrugor Shqiptar.

Qarkullimi i mjeteve drejt Aeroportit të Rinasit do të realizohet përmes rrugëve alternative:

Vorë – Fushë Krujë (kthesa e Rinasit)

Rruga dytësore

Tiranë – Kamëz – Valias – Rinas

Rruga Kashar – Thumanë, e ndërtuar nga koncesionari