VIDEO/ Rrëzohet një avion privat në Kolumbi, humbin jetën gjashtë persona, mes tyre këngëtari i njohur
Gjashtë persona humbën jetën pas rrëzimit të një avioni privat në Kolumbi, mes tyre edhe këngëtari i njohur kolumbian 34-vjeçar Jason Jimenez, shumë i njohur në vendin e tij dhe në disa vende të Amerikës Latine.
Sipas autoriteteve, nga aksidenti ajror nuk ka pasur të mbijetuar. “Nuk ka të mbijetuar”, deklaroi për Caracol Radio koloneli i aviacionit Alvaro Bello, përfaqësues i Autoritetit Kolumbian të Aviacionit Civil.
#ATENCIÓN | Se registra un grave accidente de una avioneta entre Paipa y Duitama. Según informa la Aerocivil, la aeronave se transportaban 6 personas, conformados por el piloto, el copiloto y 4 pasajeros y tenía como destino a Medellín.
— ÚltimaHoraCaracol (@UltimaHoraCR) January 10, 2026
A esta hora, las autoridades se… pic.twitter.com/nP1BwxeolX
Avioni privat u rrëzua pranë aeroportit të Paipës, ndërsa ishte në fluturim drejt Medelln-it, në pjesën veriperëndimore të vendit, njoftoi Ministria e Transporteve e Kolumbisë.
Video të publikuara në rrjetet sociale tregojnë momentin e përplasjes së avionit në një zonë rurale, si dhe shpërthimin e një zjarri menjëherë pas impaktit. Autoritetet kanë nisur hetimet për të zbardhur shkaqet e aksidentit, ndërsa deri më tani nuk janë dhënë detaje të tjera zyrtare.