Surpriza te Barcelona, jashtë formacionit Yamal dhe Lewandowski ndaj Athletic Bilbaos

Në orën 20:00 luhet gjysmëfinalja e parë e Superkupës së Spanjës mes Barcelonës dhe Athletic Bilbaos, një përballje që do të përcaktojë finalisten e parë të turneut. Fituesja e kësaj ndeshjeje do të përballet në finale me skuadrën që do të dalë triumfuese nga derbi i Madridit mes Realit dhe Atleticos, i planifikuar për nesër në mbrëmje.

Vëmendja kryesore para ndeshjes është përqendruar te zgjedhjet e formacionit të Barcelonës. Trajneri Hansi Flick ka bërë disa vendime befasuese, duke lënë jashtë njëkohësisht Lamine Yamal, Robert Lewandowski dhe Marcus Rashford. Në repartin ofensiv, Flick ka zgjedhur të mbështetet te Ronny, Fermin Lopez dhe Raphinha, të cilët do të veprojnë pas sulmuesit Ferran Torres.

Nga ana tjetër, Athletic Bilbao, i drejtuar nga Ernesto Valverde, synon të shfrytëzojë këto mungesa të rëndësishme te katalanasit për të siguruar një vend në finale. Përballja pritet të jetë e fortë dhe taktike, me të dy trajnerët që kërkojnë të nisin vitin me një trofe të rëndësishëm.

Ndeshja zhvillohet në Gedda, Arabi Saudite, vendi që mban të drejtat e organizimit të Superkupës së Spanjës.