VIDEO/ Shkrumbohet banesa, 11 pjesëtarë të familjes Musta në Klos në qiell të hapur

11 anëtarë të familjes Musta në Klos kanë mbetur pa shtëpi, për shkak se zjarri ua shkrumboi të gjithën.

Flakët e zjarrit dogji katin e dytë të banesës dhe një pjesë të katit të parë, ndërsa ende nuk dihet shkaku.

I përlotur, kryefamiljari Behar Musta ka treguar se si shtëpia e tij në fshatin Shkall të Klosit, ku jetojnë 11 familjarë, u përpi nga flakët.

Ai tregon se nuk ndodheshin në banesë në momentin e rënies së zjarrit, ndërsa kur kanë shkuar në shtëpi kanë parë që atë e kishte përpirë flaka.

 “Nuk ishim në shtëpi. Kur erdhëm, flaka kishte përpirë të gjithë shtëpinë. Fati im që ishte ditë shiu dhe më ndihmoi pak. Komplet kati i dytë dhe gjysma e katit të parë komplet e shkrumbuar. Njerëzit kanë qenë në kat të parë kur ka marrë flakë kati i dytë. Rastësia e një fëmije jashta: “babi babi ka marrë flakë shtëpia”. Shteti dhe zjarrfikësja erdhën në sekonda, gjithë njerëzit na kanë ndihmuar. Në mes të dimrit, janar është, ftohtë. 11 vetë jemi, 11 frymë”,- tregoi kryefamiljari.