Volkswagen dhe Porsche tërheqin më shumë se 500,000 automjete për shkak të një problemi me softuerin

Problemet me softuerin mund të pengojnë shfaqjen siç duhet të kamerës së pasme të një makine, gjë që është arsye e mjaftueshme për të bërë një tërheqje të produktit.

Prodhuesi gjerman i automjeteve Volkswagen dhe dega e tij e automjeteve luksoze Porsche kanë njoftuar tërheqjen e një totali prej më shumë se 500,000 automjetesh në Shtetet e Bashkuara për shkak të një problemi softuerik që mund të pengojë shfaqjen siç duhet të kamerës së pasme , tha Administrata Kombëtare e Sigurisë së Trafikut në Autostrada (NHTSA) e SHBA-së.Sipas rregullatorit, grupi amerikan Volkswagen, përfshirë markën Audi, do të duhet të tërheqë 356,649 automjete për shkak të gabimit të përmendur të softuerit, raporton Reuters.

Bëhet fjalë për modele të caktuara të kësaj marke të prodhuara në periudhën nga viti 2019 deri në vitin 2026, dhe shërbimet e autorizuara do ta përditësojnë softuerin falas.Kjo masë vjen pas vendimit të javës së kaluar nga Porsche, e cila njoftoi tërheqjen e 173,538 automjeteve në Shtetet e Bashkuara të Amerikës për të njëjtën arsye.

Është një nga tërheqjet më të mëdha të automjeteve për siguri të kryera nga dega e Porsche në Amerikën e Veriut vitet e fundit.

NHTSA kujtoi se vitin e kaluar, prodhues të tillë si Hyundai, Ford, Toyota dhe Chrysler u detyruan të tërhiqnin automjetet për riparime për shkak të problemeve të ngjashme me kamerat e pasme, me qëllim uljen e rrezikut të aksidenteve rrugore.