Kina thirrje SHBA-së: Lironi menjëherë Maduron!
Kina i ka thirrje SHBA-së që të lirojë menjëherë presidentin venezuelian, Nicolas Maduro, pas kapjes së tij nga forcat amerikane, së bashku me bashkëshorten.
Përmes një deklarate, Ministra e Jashtme ishte e ashpër në reagimin e saj, ku tha se duhet të ndalet përpjekjet për të përmbysur qeverinë venezueliane.
“Kina u bën thirrje Shteteve të Bashkuara të sigurojnë sigurinë personale të Presidentit Nicolas Maduro dhe gruas së tij, t’i lirojnë menjëherë ata dhe të ndalojnë përpjekjet për të përmbysur qeverinë venezueliane”, tha Ministria e Jashtme kineze në një deklaratë, duke e quajtur sulmin një “shkelje të qartë të së drejtës ndërkombëtare”, raporton ANSA.
Sakaq të paktën 40 persona, përfshirë civilë dhe ushtarë, u vranë gjatë një operacioni ushtarak amerikan që synonte presidentin venezuelian Nicolas Maduro, sipas një raporti të Neë York Times të shtunën vonë.
Duke cituar një zyrtar të lartë venezuelian, i cili foli në mënyrë anonime, raporti tha: “Të paktën 40 persona, përfshirë civilë dhe ushtarë, u vranë në sulm.”
Zyrtarët amerikanë i thanë gazetës Neë York Times se sulmi përfshinte një operacion ajror në shkallë të gjerë që synonte çaktivizimin e mbrojtjes ajrore të Venezuelës përpara se të dislokoheshin forcat tokësore.
“Më shumë se 150 avionë amerikanë u dërguan për të shkatërrojnë mbrojtjen ajrore, në mënyrë që helikopterët ushtarakë të mund të transportonin trupat që sulmuan pozicionin e zotit Maduro, thanë zyrtarët amerikanë”, vuri në dukje deklarata.
Nuk pati konfirmim të menjëhershëm publik nga Shtëpia e Bardhë ose Pentagoni në lidhje me shifrat e viktimave ose fushëveprimin e operacionit.
Forcat amerikane kapën dhe nxorën në ajër presidentin venezuelian Maduro dhe gruan e tij të shtunën herët në mëngjes në një operacion dramatik gjatë natës, njoftoi Presidenti Donald Trump, duke deklaruar se SHBA-të do të drejtojnë Venezuelën derisa të sigurohet një "tranzicion i sigurt, i duhur dhe i drejtë".
Maduro-t akuzohen për trafikimin e "tonelatave të kokainës" në SHBA, së bashku me krime të tjera, në një aktakuzë të re të zbuluar të shtunën në mëngjes nga prokurorët federalë në Distriktin Jugor të Nju Jorkut.
Kritikët paralajmërojnë se operacioni shkel ligjin ndërkombëtar, anashkalon Kongresin dhe rrezikon paqëndrueshmëri të mëtejshme në të gjithë Venezuelën dhe rajonin.