Kurti mbështet nderhyrjen e SHBA në Venezuelë dhe dërgon një 'mesazh' për Ramën

Kryeministri i Kosovës, Albin Kurti iu bashkua shumë drejtuesve që kanë reaguar pas operacionit të SHBA në Venezuelë, që solli rrëzimin e narko-diktatorit Maduro.

Mes rreshtave, Kurti shprehet se duhen mbajtur përgjegjës aktorët shtetërorë që janë përfshirë në trafikimin e drogave.

Ky ishte një mesazh indirekt për Edi Ramën, i akuzuar se ka ngritur të parin dhe të vetmin narko-shtet në Europë.

“Republika e Kosovës mbështet operacionin anti-narkotik të Shteteve të Bashkuara të Amerikës, të udhëhequr nga Presidenti Donald Trump, në Venezuelë. Mbajtja përgjegjës e aktorëve shtetërorë të përfshirë në trafikimin e drogave është thelbësore për suksesin në luftën kundër kësaj dukurie.

Kosova, si aleate strategjike e ShBA-së dhe NATO-s, ofron mbështetje të plotë në luftën kundër trafikimit të narkotikëve dhe kundër cenimit të vlerave demokratike perëndimore nga aktorë përfaqësues (proxy) të kundërshtarëve të këtyre vlerave, si në rajonin tonë ashtu edhe më gjerë.

Në këtë kontekst, ritheksojmë nevojën për rritjen e vëmendjes ndaj aktorëve të caktuar rajonalë, të cilët në vazhdimësi synojnë provokimin e situatës së sigurisë përmes veprimeve hibride, kriminale, terroriste dhe ushtarake,” shkruan Kurti në median sociale.

Ndërkohë qeveria shqiptare dhe kryeministri Edi Rama kanë zgjedhur heshtjen.