'U drodha i tëri '/ Dylgjeri: Pas deklaratës së Ramës më lindi dëshira humane ta marr Mirlindën në shtëpi...

Publicisti Ylli Dylgjeri ka reaguar me një koment të shkurtër sarkastik në rrjetet sociale, duke ironizuar një deklaratë të Kryeministrit Edi Rama lidhur me Mirlinda Karçanajn.

Dylgjeri citon deklaratën e Kryeministrit, sipas së cilës Karçanaj ndodhet aktualisht në “arrest shtëpie” në një banesë me qira dhe cilësohet si “protagoniste e digjitalizimit”. Sipas publicistit, kjo deklaratë e ka tronditur dhe i ka nxitur një reagim që ai e quan “dëshirë humane”.

Në mënyrë ironike, Dylgjeri shprehet se është i gatshëm ta marrë Karçanajn në shtëpinë e tij pa qira, duke e krahasuar situatën me një rast tjetër të përmendur në diskursin publik. Ai vijon me tone sarkastike, duke theksuar kontributin e saj në digjitalizim dhe duke e përmbyllur reagimin me frazën se ky është “humanizmi i tij maksimal”.

Reagimi i plotë:
 

Kërkohet solidaritet!
 

Rama: Mirlinda Karçanaj sot rri në ‘arrest shtëpie’ në banesë me qira, është protagoniste e digjitalizimit!
U drodha i tëri kur e dëgjova këtë deklarim të Kryeministrit....Dhe menjëherë më lindi dëshira humane: Ta marrë në shtëpinë time pa qera!

Thashë: Po Entoni më i mirë se Unë është që e morri Parashqevinë ?
Po do ta marr!

Mirlinda na digjitalizojë, na dhe Diellën, që ju bëfsha kurban!
Ka humanizmin tim maksimal