Allegri, para Milan-Verona: Fokus te fitorja dhe rregulli në mbrojtje, Leao nuk do të jetë

Milani rikthehet në kampionat pas zhgënjimit në Superkupë kundër Napolit dhe të dielën pret Veronën në “San Siro”, në një ndeshje që Massimiliano Allegri e konsideron të vështirë pavarësisht diferencës në renditje. Trajneri kuqezi theksoi rëndësinë e tri pikëve dhe kërkoi përqendrim maksimal ndaj një kundërshtari “të fortë taktikisht dhe të shpejtë”.

Allegri konfirmoi se Rafael Leão nuk është i grumbulluar për shkak të një shqetësimi fizik që nuk e lejon të shpërthejë, duke qenë i prerë: “Lojtarët ‘part-time’ nuk shkojnë mirë”. Në mungesë të tij, Nkunku pritet të ketë hapësirë më të madhe. Trajneri u shpreh besimpolktë te francezi, duke theksuar se ka cilësi të rëndësishme teknike, por ka nevojë për kohë përshtatjeje në Serie A.

Sa i përket mbrojtjes, Allegri pranoi se Milani ka pësuar gola shumë lehtë në ndeshjet e fundit dhe kërkoi rikthimin e rregullit kolektiv, sidomos kundër skuadrave më të vogla. “Për të fituar duhet të bësh mirë të dyja fazat”, nënvizoi ai.

Në merkato, Allegri u shpreh realist për objektivin Champions, duke theksuar se muajt e ardhshëm do të jenë vendimtarë. Ai vlerësoi gjithashtu Fullkrug-un, i cili po rrit gradualisht formën, si dhe rëndësinë e lojtarëve si Fofana, Ricci dhe Loftus-Cheek, duke theksuar se Milani do të ketë nevojë për të gjithë për të arritur synimin e katërshes së parë.