VIDEO/ Përleshje masive në një lokal në Korçë në ditën e Krishtlindjeve

Një konflikt i madh ka ndodhur mes disa personave në lagjen 7 të qytetit të Korçës.

Sipas informacioneve paraprake, mësohet se një konflikt ka ndodhur mes disa personave në një lokal dhe dyshohet se njëri prej tyre është goditur.

Policia ka shkuar në vendin e ngjarjes ku ka bërë shoqërimin e personit që dyshohet se është dhunuar dhe pronarin e lokalit për ta pyetur lidhur me ngjarjen.

Nga ana tjetër, policia po merr të gjitha kamerat e sigurisë për të identifikuar personat e tjerë të përfshirë në konflikt.

Dyshohet se konflikti ka ndodhur për motive banale dhe pritet të zbardhen detaje të tjera në vijim.