Studiuesi francez i burgosur në Rusi: Moska pretendon se i ka bërë një ‘propozim’ Francës
Rusia i ka bërë një "propozim" Francës në lidhje me rastin e studiuesit francez Laurent Vinatier, i burgosur në Rusi që nga qershori i vitit 2024 dhe i cili mund të gjykohet për "spiunazh", tha Kremlini të enjten.
"Ka pasur kontakte të përshtatshme midis palës sonë dhe francezëve. Në fakt, francezëve u është bërë një propozim në lidhje me Vinatier", tha zëdhënësi i Kremlinit, Dmitry Peskov, gjatë konferencës së tij të përditshme për shtyp, në të cilën mori pjesë edhe AFP.
"Topi tani është në fushën e Francës", shtoi ai, pa dhënë detaje të mëtejshme.