Krishtlindje në hapësirë/ Urimi vjen nga astronautët: Përshëndetje planetit Tokë!
“Përshëndetje planetit Tokë”. Me këtë mesazh, astronautët e Ekspeditës 74, të cilët ndodhen aktualisht në bordin e Stacionit Ndërkombëtar Hapësinor, kanë përcjellë urimet e tyre me rastin e festave të fundvitit.
“Po mendojmë për të gjithë ju gjatë kësaj periudhe festive. Është paksa e trishtueshme që nuk jemi pranë familjeve tona në këto ditë, por në të vërtetë jemi – sepse jemi me familjen tonë hapësinore, dhe kjo na bën të ndihemi mirë”, thuhet në mesazhin e tyre.
Një përshëndetje kjo që vjen nga hapësira dhe që simbolikisht bashkon Tokën me orbitën, duke treguar se fryma e Krishtlindjes kapërcen çdo distancë.