Krishtlindja në Lezhë: Qindra besimtarë në Katedralen e Shën Nikollit

Krishtlindja u kremtua edhe këtë vit në Lezhë, ku qindra besimtarë të krishterë morën pjesë në ritualin fetar të lindjes së Krishtit.

Mesha e shenjtë e mbrëmjes së së mërkurës u drejtua nga Ipeshkvi i Dioqezës së Lezhës, Otavio Vitale, duke bashkuar besimtarët në lutje për paqe, shëndet dhe begati për familjet dhe komunitetin.

Festimet në Katedralen e Shën Nikollit rikujtuan rëndësinë e Krishtlindjes si festë shpirtërore dhe moment bashkimi për qytetarët dhe komunitetin e besimtarëve në Lezhë.