Lazio merr dritën jeshile për merkato, rrezikojnë Napoli dhe Pisa

Lazio ka marrë autorizimin për të operuar pa kufizime në merkato, ndërsa Napoli dhe Pisa ndodhen nën vëzhgimin e Komisionit të Pavarur të Kontabilitetit të Serie A. Ky komision, që monitoron situatën financiare të klubeve profesionale, përfshirë edhe basketbollin, u mblodh sot për të bërë vlerësimet e fundit mbi shëndetin financiar të ekipeve.

Sipas informacioneve të para, Lazio ka respektuar parametrat e kërkuar dhe mund të veprojë lirshëm gjatë merkatos, pa asnjë kufizim. Po ashtu, edhe Como ka zgjidhur një situatë të vështirë përmes një rritjeje kapitali.

Nga ana tjetër, vetëm dy klube nuk kanë arritur indikatorin e “Kostos së Punës së Zgjeruar ndaj të Ardhurave” nën 0.8: Napoli dhe Pisa. Për këto ekipe, nuk ka ndalim të plotë të merkatos në janar, por veprimet e tyre do të jenë të kufizuara: çdo blerje lojtarësh duhet të shoqërohet me një shitje të ekuilibruar.

Situata është veçanërisht sfiduese për Napoli, që duhet të menaxhojë këtë kufizim me kujdes, sidomos duke pasur parasysh merkato e qershorit. Në atë periudhë, nëse nuk respektohet indikator më strikt, i cili do të bjerë në 0.7, klubi mund të përballet me ndalimin e plotë të operacioneve në merkato.