Ish-drejtori i Burgjeve, Agim Ismaili paraqitet sërish në SPAK

Ish-drejtori i Përgjithshëm i Burgjeve, Agim Ismaili, është paraqitur sërish pranë Prokurorisë së Posaçme, ku ndaj tij po zhvillohen hetime për disa vepra të rënda penale.

Sipas burimeve, Ismaili dyshohet për përfshirje në veprimtari të paligjshme që lidhen me përgjimin e të dhënave kompjuterike dhe pjesëmarrjen në struktura kriminale. Konkretisht, hetimet po zhvillohen për veprat penale:

Neni 293/a (paragrafi i dytë) – Përgjimi i paligjshëm i të dhënave kompjuterike
Neni 333/a – Grupi i strukturuar kriminal
Neni 334 – Kryerja e veprave penale nga organizata kriminale dhe grupi i strukturuar kriminal

Sipas gazetarit Fatjon gjinaj, Ismailit po i komunikohet mbyllja e hetimeve, ndërsa më herët i është komunikuar edhe 2 të arrestuarve Arnold Rrokaj dhe Zambak Gjoni.