Fëmijët po detyrohen të kthehen në vendet e tyre nga zyrtarët kufitarë amerikanë

Zyrtarët kufitarë po ushtrojnë presion mbi fëmijët e pashoqëruar që mbërrijnë në SHBA si emigrantë pa dokumente që të bien dakord të kthehen shpejt në vendet e tyre të origjinës. Një dokument i qeverisë federale thekson se nëse ata nuk pranojnë të largohen do të përballen me paraburgim “të zgjatur” dhe pasoja të tjera.

Dokumenti u paraqitet ose u lexohet fëmijëve brenda ditëve të para të hyrjes së tyre në SHBA, ndërsa ata janë ende nën kujdestarinë e Doganave dhe Mbrojtjes Kufitare (CBP), përpara se ata të mund të shohin ndonjë të afërm në SHBA.

Dokumenti quhet “këshillim” dhe është bashkëngjitur si prova A në fund të një dokumenti gjyqësor të paraqitur nga avokatët.

“Nëse zgjidhni të kërkoni një seancë dëgjimore me një gjyqtar imigracioni ose tregoni frikë nga kthimi në vendin tuaj, mund të prisni sa vijon: do të mbaheni në paraburgim të Qeverisë së Shteteve të Bashkuara për një periudhë të zgjatur kohore”, shkruhet në dokument.

Ai vazhdon duke thënë se sponsori i fëmijës  zakonisht një anëtar i familjes që banon në SHBA i cili do të kujdeset për fëmijën mund të arrestohet, ndiqet penalisht dhe deportohet.

Një senator amerikan po kërkon që kjo politikë të shfuqizohet, duke thënë se ajo shfrytëzon në mënyrë cinike dobësitë unike të fëmijëve të pashoqëruar si një mënyrë për të shtyrë përpara axhendëne deportimit masiv të administratës Trump.

Senatori Ron Wyden i ka shkruar Bordit të Administrimit të Brendshëm (CBP) duke e akuzuar agjencinë se po përpiqet t’i frikësojë fëmijët që të braktisin të drejtat e tyre duke u treguar atyre një dokument me zgjedhje që ai i përshkruan si “tmerrësisht shtrënguese”.