Dončić shkëlqen me Lakers, humbje për Bucks, Pistons dhe Warriors

Oklahoma City Thunder u rikthyen te fitorja në NBA, duke mposhtur Los Angeles Clippers me rezultatin 122–101 dhe duke regjistruar suksesin e 25-të sezonal. Shai Gilgeous-Alexander ishte sërish lider absolut për Thunder, teksa realizoi 32 pikë.

Fitore jashtë fushe edhe për Miami Heat, që triumfuan 106–95 ndaj Brooklyn Nets. Norman Powell u dallua për Heat, duke shënuar 24 pikë.

Pas kohës shtesë fituan edhe Dallas Mavericks, të cilët mundën Detroit Pistons 116–114. Cooper Flagg ishte protagonist për teksanët me 23 pikë dhe 10 rebound. Një ndeshje spektakolare u zhvillua në Salt Lake City, ku Los Angeles Lakers fituan 143–135 ndaj Utah Jazz. Luka Dončić dhuroi një paraqitje madhështore, duke realizuar “triple-double” me 45 pikë, 11 rebound dhe 14 asist.

Zhgënjim tjetër për Milwaukee Bucks, që u mposhtën në shtëpi 111–105 nga Toronto Raptors. Dyshja Brandon Ingram – Scottie Barnes realizuan gjithsej 53 pikë për skuadrën kanadeze. Humbje dramatike edhe për Golden State Warriors, që u mundën 99–98 nga Phoenix Suns, me Booker dhe Brooks që shënuan së bashku 49 pikë. Ndërkohë, Portland Trail Blazers fituan 134–133 ndaj Sacramento Kings pas kohës shtesë, me Avdija protagonist absolut me 35 pikë.

Rezultatet:

Charlotte Hornets – Atlanta Hawks 133–126

Indiana Pacers – New York Knicks 113–114

Brooklyn Nets – Miami Heat 95–106

Milwaukee Bucks – Toronto Raptors 105–111

New Orleans Pelicans – Houston Rockets 133–128

Oklahoma City Thunder – Los Angeles Clippers 122–101

San Antonio Spurs – Washington Wizards 119–94

Dallas Mavericks – Detroit Pistons 116–114

Denver Nuggets – Orlando Magic 126–115

Phoenix Suns – Golden State Warriors 99–98

Utah Jazz – Los Angeles Lakers 135–143

Portland Trail Blazers – Sacramento Kings 134–133