Tregu më i famshëm i Krishtlindjeve në botë merr kritika: Pse po bëhet i padurueshëm për vendasit

Tregu i Krishtlindjeve në Vjenë, i njohur si një nga "tregjet më të bukura të Krishtlindjeve në botë" dhe sigurisht një nga më të famshmet, ka shkaktuar diskutime të shumta në rrjetet sociale ditët e fundit.

Edhe këtë dimër, tregje të shumta të Krishtlindjeve tërheqin miliona vizitorë dhe, sipas kanalit amerikan të lajmeve CNN, më i bukuri në botë është Christkindlmarkt i Vjenës në Rathausplatz, shkruan Heute.

Megjithatë, janë pikërisht ato turma të mëdha që kanë shkaktuar zemërim në rrjetet sociale, raporton N1 Zagreb .Kur vjen në Vjenë për fundjavë dhe sjell gjysmën e Evropës me vete", komentoi një vizitor në TikTok. Në sfond, mund të shihni turmat e dendura të njerëzve përpara Bashkisë së Vjenës, për shkak të të cilave ka mbetur pak nga atmosfera e këndshme e Adventit.

@katejosovik Everyone’s invited ✨ #vienna #christmasmarket #rathaus ♬ FLUTE SOMEONE IN MEMORY - FELIS TIGRIS

“Për dikë që ka lindur dhe është rritur në Vjenë, kjo është shumë dëshpëruese - nuk mund të shkoj më në asnjë treg Krishtlindjesh në qytetin tim”, shkroi një përdoruese dhe, duke gjykuar nga reagimet, përcolli ndjenjat e shumë bashkëqytetarëve të saj, të cilët besojnë se situata është bërë “vërtet e padurueshme”.

Kjo vlen jo vetëm për ata që kërkojnë një atmosferë festive, por edhe për ata që "duhet të kalojnë nëpër atë turmë dy herë në ditë".

Një ngushëllim i vogël mund të jetë fakti se "është kështu kudo në botë", vunë re disa, dhe gjithashtu ndahen këshilla se si të shmangen turmat më të mëdha.