Trimoshat me patllake

Nga Leonard Seferi

'Trimoshat me patllake' më kujtoi një këngë të vjetër që në fëmijërinë time këndohej në shtëpinë tonë me çifteli nga babai dhe gjyshi(ndjesë pastë).

Kënga e Isa Boletinit se si shkoi i armatosur në Pallatin Mbretëror në Londër dhe rojet nuk e ia morën dot alltinë apo patllaken tek dera dhe u takua me Ministrin Anglez për të folur për fatet e Shqipërisë në një kohë shumë të errët për vendin tonë.

Për ju që nuk e keni dëgjuar po ju shkruaj një pjesë të këngës të cilën e kam në mendje bashkë me kujtimet fëminore.

Ministrit t'Londrës shkun e i than,

Isa Boletini vet' ka ardh

Mban allti e ksul të bardh

(Ministri Londinez)Do t'a pres siç asht zakoni,

Veç kujdes ta shoqëroni

Ju gjeneralë ta kontrolloni

Hyn Isaj me kryet nalt

Palt e xhamadanit i rrin hap

Si shqiponja me dy krah

(Ministri Londinez)Me Kan than se je trim mali

E kërkush armët s'ti ndali

Veç n'Europ un sot jam ma i pari

(Pra edhe pse ti je trim malesh këtu u çarmatose)

(Isa Boletini) Kalova detin ktu me ardh

Me dërgoj populli shqiptar

Shtat krajlnive(mbretërive) me u than dy fjal

(Isa Boletini)Sa për rregullat t'i zbatova

Njanën allti(patllake) n'der t'a dorzova

Kurse tjetrën prej brezit s'e nxorra

(Isa Boletini) Po s'besove ta kallxoj

Të nant plumbat  i mban në goj'

Ismail qemali mua ma dhuroj

Lordi plak mbeti pa mend

Nuk flet as nji fjal veç se ban me shenj

Ulu mor shqiptar o të bajm kuvend

(Isa Boletini) Mos u tut more zotni

S'kam ardh n'pallat t'Londrës me u vra me ty

Veç me t'than se ka Shqipni

Detin ndoshta mund t'a thani

Mund të shterrni dhe oqeanin

Po Shqipnin more t'pa qen s'e bani

Patjetër që nuk janë të njërtat sitauata. Që prej asaj kohe ka kaluar më shumë se një shekull por ajo që doja të them është se mos ndoshta agjentët e BKH-së janë Isa Boletinët e sotëm ku kërkojnë që Shqipëria mos bëhet e paqenë!

Historia e Isa Boletinit tregon se hyrjet me patllake nëpër Pallate Mbretërore nuk kanë rezultuar keq për kombin.