Ndeshjet e fundit/ Javën tjetër vendoset fati i Dritës dhe Shkëndijës në Ligën e Konferencës

Drita dhe Shkëndija e Tetovës janë në pozita shumë të favorshme për të kaluar në turin me eliminim direkt në Ligën e Konferencës.

Por fati i tyre, ashtu si edhe pozicioni në renditje që përcakton fazën tjetër të turneut, do të mësohet vetëm pas një jave.

Liga e Konferencës, ndryshe nga Liga e Kampioneve dhe Liga e Europës, luhet me vetëm 6 raunde dhe ai i fundit luhet të enjten tjetër, më 18 dhjetor.

Në atë ditë, të gjithë skuadrat do të luajnë në të njëjtin orë, 21:00, përballjet e fundit të tyre nga e cila do të përcaktohet tabela përfundimtare.

Shkëndija luan në transfertë ndaj AEK Larnaka, ndërsa Drita luan në Spanjë përballë Rajo Vakjekanos.

Megjithatë, edhe në rast humbjeje, kombinimet e ndeshjeve të tjera, mund të lejojnë që të dy skuadrat të vazhdojnë më tej në këtë turne në fazën me eliminim direkt të tij, që do të ishte padyshim një sukses shumë i madh për të dy këto klube.

RAUNDI 6

18.12.2025

Ora 21:00

AEK Athinë-Universitatea Kraiova

AEK Larnaka-Shkëndija Tetovë

AZ Alkmar-Jagiellonia

Çelje-Shelbërn

Kristal Palas-KuPS

Dinamo Kiev-Noah

Lozanë-Fiorentina

Legia Varshavë-Linkoln Red Imps

Mainc-Samsunspor

Omonia-Rakov

Rajo Vajekano-Drita

Shakhtar Donjetck-Rijeka

Shemrok Rovers-Hamrun

Sigma Olomuc-Leç Poznan

Sllovan Bratislava-Haken

Sparta Pragë-Aberdin

Strasburg-Breidablik

Zrinjski-Rapid Vjenë