GJKKO lë në arrest me burg grupin e 'Rrajave', mes tyre edhe djali i ish-deputetit socialist

Gjykata Kundër Korrupsionit dhe Krimit të Organizuar la në burg grupin kriminal “Rraja”, i goditur një ditë më parë gjatë një operacioni në Fushë-Krujë.

GJKKO caktoi sot masën ‘arrest me burg’ për Rexhep Rraja, djali i ish-deputetit socialist Rrahman Rraja, kushërinjtë e tij, Gazmir dhe Përparim Rraja, si dhe bashkëpunëtorët e tyre. Nga 14 masa sigurie të lëshuara, 10 u ekzekutuan, ndërsa 4 ndodhen në kërkim.

Gjatë operacionit të djeshëm u arrestuan Marvin Bushati, Agim Nina alias Lorenc Selmani, Sokol Qaja, Zamir Aliaj dhe tre anëtarë të fisit Rraja: Gazmir, Përparim dhe Rexhep Rraja. Ndërsa Islam Sefa, Aldo Gjini dhe Jani Çavo ndodhen në qeli, ku u është komunikuar masa e sigurisë.

Sipas SPAK, grupi kriminal “Rraja” dyshohet se ka trafikuar rreth 2.5 tonë marihuanë dhe kokainë në tregjet ndërkombëtare. Hetimet kanë dokumentuar tre episode të trafikimit të drogës, ku Shqipëria ka shërbyer si vend nisjeje ose transit, duke përfshirë destinacione si Gjermania, Turqia dhe Mali i Zi.

LEXO EDHE: 

Grupi kriminal ‘Rraja’/ Linjat të trafikut të drogës me destinacion final Gjermaninë, vetëm në 3 episode çuan 2.4 ton

TABELA – MASAT E GJKKO

Rexhep Rraja, arrest në burg

Gazmir Rraja, arrest në burg

Përparim Rraja, arrest në burg

Zamir Aliaj, arrest në burg

Marvin Bushati, arrest në burg

Agim Nina alias Lorenc Selmani, arrest në burg

Sokol Qaja, arrest në burg

Ervis Shuli, arrest në burg

Vildan Baroku, arrest në burg

Bujar Sefa, arrest në burg

Hajdar Sefa, arrest në burg

Islam Sefa, arrest në burg

Aldo Gjini, arrest në burg

Jani Çavo, arrest në burg