Kamboxhia mbledh prova për të ngritur padi kundër Tajlandës në GJND

Kamboxhia po mbledh prova për të ngritur një padi në Gjykatën Ndërkombëtare Penale (GJNP) në Hagë, në përgjigje të asaj që e përshkruan si agresion të vazhdueshëm të armatosur të Tajlandës përgjatë kufirit, tha një zyrtar i lartë qeveritar më 10 dhjetor.

Zyrtari i tha Khmer Times se sulmet e Tajlandës ndaj sovranitetit dhe integritetit territorial të Kamboxhias, kanë shkaktuar shkatërrime të gjera dhe viktima të rënda civile, me forcat tajlandeze që përdorin "të gjitha llojet e armëve të rënda", duke përfshirë avionë luftarakë që hodhën bomba në zonat civile brenda territorit të Kamboxhias.

Që nga 10 dhjetori, nëntë civilë, përfshirë një foshnjë, janë vrarë dhe 46 të tjerë janë plagosur.

Sulmet e vazhdueshme kanë detyruar gjithashtu 37,115 familje - gjithsej 127,133 persona - të largohen nga shtëpitë e tyre në provincat Preah Vihear, Oddar Meanchey, Banteay Meanchey, Pursat dhe Battambang.

Midis të zhvendosurve janë 58,603 gra dhe 21,974 fëmijë. Zyrtari tha se Kamboxhia, si shtet palë në GJPN, po përgatit dokumentacionin dhe provat e saj për ta çuar çështjen para gjykatës./ Khmer Times.