VIDEO/ Kounde, 'bomber' i Barcelonës, dy golat e tij përmbysin rezulatatin ndaj Eintracht Frankfurtit
Barcelona përjetoi një mbrëmje plot emocione në “Camp Nou”, duke e kthyer një ndeshje të vështirë në një festë të madhe falë një protagonisti të papritur: Jules Kounde. Mbrojtësi francez u shndërrua në goleadorin e katalanasve, teksa me dy goditje të sakta me kokë përmbysi Eintracht Frankfurtin dhe ndezi tifozët në tribunat e mbushura plot.
Ndonëse Barcelona mendoi se kishte kaluar e para në avantazh që herët, një gol i anuluar dhe një rrjetë e pësuar krijuan tension në fushë. Por pjesa e dytë solli një rikthim spektakolar, ku karakteri, vendosmëria dhe qetësia e katalanasve u materializuan në tri minuta magjikë, duke e kthyer rezultatin dhe duke siguruar një fitore të rëndësishme 2-1.
Barcelona mendoi se kishte gjetur avantazhin në minutën e 10-të, kur Robert Lewandowski e dërgoi topin në rrjetë, por goli u anulua menjëherë pasi asistenti ngriti flamurin për pozicion jashtë loje. Arbitri Davide Massa kontrolloi aksionin me VAR dhe në minutën e 11-të konfirmoi vendimin: goli i Barcelonës mbetet i pavlefshëm.
Barcelona – Einntracht Frankfurt 2-1
Pak më vonë, Eintracht Frankfurti goditi i pari. Në minutën e 21-të, Nathaniel Brown shërbeu në mënyrë perfekte për Ansgar Knauff, i cili u gjend i vetëm përballë portierit. Sulmuesi nuk gaboi: gjuajti me qetësi nga skaji i zonës dhe shënoi në cepin e poshtëm të djathtë, duke i çuar gjermanët në epërsi 0-1.
E jashtëzakonshme ajo që bën Jules Kounde: mbrojtësi francez realizon dy gola me kokë brenda tri minutash lojë (50’, 53’). Në rastin i parë shfrytëzoi krosimin e Rashford, më pas atë të Lamine Yamal-it.
Rezultatet:
Inter – Liverpool 0-0
Monaco – Galatasaray 1-0