Rusia tallet me Shqipërinë për Diellën: Emëruan ministre AI, tani ajo akuzohet për vjedhje

Emërimi i fundit nga qeveria shqiptare i një avatari digjital me inteligjencë artificiale si ministre ka shkaktuar reagime tallëse nga Rusia.

Shqipëria emëroi Diellën, zyrtaren e parë qeveritare në botë të gjeneruar nga inteligjenca artificiale, si Ministre Shteti për Inteligjencën Artificiale, me fokus prokurimet publike për të luftuar korrupsionin.

Në një takim mes presidentit Vladimir Putin dhe kryetarëve të parlamenteve të vendeve anëtare të CSTO-së, kryetari i Dumës së Shtetit të Rusisë, Vyacheslav Volodin, paralajmëroi se inteligjenca artificiale sjell probleme, pavarësisht përfitimeve të saj.

Sipas tij, aktualisht nuk ka ligje bazë që rregullojnë çështjet që lidhen me ndërveprimin e njerëzve me inteligjencën artificiale dhe robotët.

“Në një vend të BE-së shkuan deri aty sa ta emërojnë inteligjencën artificiale ministre, dhe ajo tashmë është akuzuar për përvetësim,” tha ai të hënën.

Duke theksuar se teknologjitë e reja duhet të mbështeten, Volodin kërkoi krijimin e një kuadri ligjor nga Organizata e Traktatit të Sigurisë Kolektive (CSTO), që ato “të zhvillohen në mënyrë efektive dhe të mos dëmtojnë njerëzit.” / Daily Post - Syri.net