Me ftesë të Erdogan, Orban viziton të hënën Turqinë

Kryeministri hungarez Viktor Orban dhe delegacioni i tij i nivelit të lartë që e shoqëron do të vizitojnë Turqinë të hënën, tha të dielën drejtori i komunikimit turk.

Gjatë vizitës, e cila vjen me ftesë të Presidentit Recep Tayyip Erdogan, Orban do të marrë pjesë në takimin e shtatë të Këshillit të Bashkëpunimit Strategjik të Nivelit të Lartë Turqi-Hungari, tha Burhanettin Duran në platformën turke të mediave sociale NSosyal.

Palët do të diskutojnë të gjitha aspektet e marrëdhënies së zgjeruar të partneritetit strategjik dhe do të shkëmbejnë pikëpamje mbi çështjet aktuale rajonale dhe globale, tha Duran.

Ai shtoi se pritet të nënshkruhen marrëveshje të ndryshme për të forcuar bazën kontraktuale të marrëdhënieve dypalëshe./ AA.