Sulm i armatosur në një hotel në Afrikën e Jugut, 11 të vdekur

Persona të armatosur kanë vrarë 11 persona, përfshirë një fëmijë tre vjeç, në një të sulm në një hostel në Pretoria , Afrikën e Jugut , thotë policia.

"Mund të konfirmoj se gjithsej 25 persona u qëlluan", tha zëdhënësja e policisë Athlenta Mate për AFP, duke shtuar se 14 persona ishin dërguar në spital. Viktimat përfshijnë një 12-vjeçar dhe një 16-vjeçar.

Dhjetë persona vdiqën në vendin e sulmit në zonën Solville , 18 kilometra në perëndim të Pretorias. Një person tjetër ndërroi jetë nga plagët e marra dhe përfundoi në spital, u sqarua më pas.

Incidenti ndodhi në orën 4:30 të mëngjesit (ora lokale), kur tre persona të armatosur hynë në ndërtesë dhe qëlluan pa dallim. Policia u njoftua në orën 6 të mëngjesit.

Motivi i sulmit mbetet i panjohur, ndërsa nuk janë bërë arrestime.

Afrika e Jugut, vendi më i industrializuar i Afrikës, është i prekur nga krimi i organizuar dhe korrupsioni. Shumë njerëz mbajnë leje për armëmbajtje për mbrojtje personale. Sipas të dhënave të policisë, rreth 63 persona vriten çdo ditë midis prillit dhe shtatorit.