Shqipërinë e kam në zemër të kuletës - IRIQI bisedon me Federika Mogerini

Iriqi:-Mësuam se ju arrestuan për korrupsion.

Mogerini:-Më kanë akuzuar, nuk jam e arrestuar. Të isha në Shqipëri dhe në opozitë do më kishin flakur në qeli dhe do më harronin atje.

Iriqi:-Po ti sikur e ke lavdëruar reformën në drejtësi?

Mogerini:-Po, se kështu më thosh Rama.

Iriqi:-Pse punonjëse e tij ishe ti?

Mogerini:-Më shumë. E keni dhe ju atë shprehjen,”Qeni leh aty ku ha”.

Iriqi:-Dmth keni ngrënë në Shqipëri?

Mogerini:-Dhe me shije. Shqipëria për ne të huajt me peshë është një restorant i madh. Ku ha çfarë të duash, sa të duash dhe në fund kamarieri nuk të sjell faturën, por të falenderon dhe të jep të marrësh me vete një çantë me para. E si mos e lavdëroj rilindjen unë?

Iriqi:-Atëhere në akuzë ndaj teje do jenë edhe paratë shqiptare?

Mogerini:-Jo, jo. Se janë cash, nuk lenë gjurmë.

Irini:-Një pyetje të fundit. E doni Shqipërinë?

Mogerini:-E dua shumë. Ne përdorim këtë shprehje për një që e pëlqejmë shumë.

Iriqi:-Kë?

Mogerini:-Shqipërinë e kam në…

Iriqi:-Në zemër.

Mogerini:-Po. Shqipërinë e kam në zemër të kuletës.