Ertjan Kofsha triumfon në Kampionatin Ballkanik me tri rekorde të reja

Dita e mërkurë u shënua nga suksese të mëdha për peshëngritjen shqiptare në Kampionatin Ballkanik të zhvilluar në Durrës.

Pas performancës së shkëlqyer të Briken Caljas, protagonisti tjetër i kuqezinjve ishte Ertjan Kofsha, i cili dominoi kategorinë deri në 94 kg. Kofsha fitoi tri medalje të arta dhe njëkohësisht vendosi tri rekorde të reja ballkanike.

Në stilin e shkëputjes, Kofsha ngriti 165 kg, ndërsa në shtytje arriti 193 kg. Rezultati i tij total në dygarësh ishte 358 kg – të tria këto shifra përbëjnë rekorde të reja për Ballkanin.

Në këtë kampionat spikatuan edhe Desjana Koni dhe Arjeta Rade. Desjana garoi në kategorinë deri në 53 kg dhe arriti të fitonte dy medalje bronzi, 90 kg në shtytje dhe 164 kg në dygarësh. Ndërkohë, Arjeta Rade u kthye me tri medalje argjendi në kategorinë e saj, duke kontribuar gjithashtu në suksesin e ekipit shqiptar.