‘Je mburojë më e mirë se Patriot, merre në telefon të ndalë luftën’/ Gazetari ukrainas ‘sherr’ me vajzën ilegale të Putinit në Paris
Një gazetar ukrainas u konfrontua me Elizaveta Krivonogi, vajza që dyshohet të jetë jashtë martesës zyrtare e presidentit rus Vladimir Putin, në Paris, aty ku jeton 22-vjeçarja.
"Tre javë më parë babai yt vrau vëllain tim. Si jeton në Evropë, në këtë kontinent të mallkuar, GayEurope siç e quan ti", i tha ai fillimisht. 22-vjeçarja iu përgjigj: "Nuk ke leje të më qëllosh".
Kur gazetari nga Ukraina vazhdoi të ushtronte presion, duke e pyetur nëse e mbështeste të atin, 22-vjeçarja u përgjigj: "Çfarë lidhje ka kjo me mua?".
“Ai është babai yt. Më e pakta që mund të bësh është ta telefonosh dhe t’i thuash të ndalojë bombardimin e Kievit. Mund të vish në Kiev dhe të veprosh si mburojë njerëzore, më mirë se Patriotët. Mund të shkosh në Pokrofsk, për shembull”, këmbënguli gazetari nga Ukraina.
“Your father killed my brother.”
— NEXTA (@nexta_tv) December 3, 2025
A Ukrainian journalist encountered Putin’s illegitimate daughter, Yelizaveta Krivonogikh, in Paris.
She declined to comment. pic.twitter.com/J9dqGifwrk
“Si e imagjinon që mund të shkoj tani?”, pyeti Elizaveta, së cilës gazetari ukrainas ia ktheu: “Sigurisht që mundesh. Nuk shoh ndonjë pengesë, do të të blej një biletë me paratë e mia”.
“Për fat të keq, nuk mund të ndihmoj”, iu përgjigj në fund ajo.
Elizaveta Krivonogi u zbulua për herë të parë pas një hetimi të vitit 2020 nga një media ruse Proekt, e cila vuri në dukje ngjashmërinë fenomenale të saj me Putinin.
Presidenti rus nuk përmendet në certifikatën e lindjes së Ekaterina-s, e cila shkruan "Vladimirova", që përkthehet "vajza e Vladimirit".
Artistja 22-vjeçare lindi në vitin 2003 pas një afere të dyshuar midis Putinit dhe nënës së saj, Svetlanës, e cila ishte kujdestarja e shtëpisë së presidentit rus në atë kohë.
Në vitin 2021, udhëheqësi i vrarë i opozitës ruse, Alexei Navalny, zbuloi rrjetin social të 22-vjeçares, i cili, sipas tij, përshkruante jetën e saj luksoze dhe pasurinë e familjes së saj, të cilën shumë ia atribuojnë marrëdhënies së saj me presidentin rus.