Hamasi i dorëzon Izraelit mbetjet trupore të njërit prej dy pengjeve të fundit në Gaza

Policia izraelite tha sot (2 dhjetor) se kishte marrë eshtrat e njërit prej dy pengjeve të fundit të mbajtura në Rripin e Gazës, të cilat do të ekzaminohen për identifikim nga shërbimi mjeko-ligjor në Tel Aviv.

Eshtrat u dorëzuan nga Hamasi nëpërmjet Kryqit të Kuq, tha zyra e kryeministrit izraelit, pa specifikuar nëse ato ishin eshtrat e njërit prej dy pengjeve të fundit (një izraelit dhe një shtetas tajlandez).

Ajo shtoi se autoritetet ishin në kontakt me familjet e tyre. Hamasi kishte njoftuar më parë se do të dorëzonte eshtrat e njërit prej dy pengjeve të fundit.

Trupat e dy pengjeve të mbetur  besohet se i përkasin oficerit të policisë izraelite Ran Gwilyi dhe tajlandezit Sudthisak Rinthalak, të cilët u rrëmbyen të dy gjatë sulmit të Hamasit ndaj Izraelit, më 7 tetor 2023.