Homazhet për Simon Kullin/ Boçi: Bariu i urtë i Dioqezës së Sapës! Kontributi i tij, i gjallë te njerëzit e zonës

Nënkryetari i Partisë Demokratike, Luçiano Boçi, së bashku me drejtuesit e Degës së PD Vau Dejës z. Ndreca e z. Shaba dhe ish deputetin z. Hila, kanë marrë pjesë në homazhet e zhvilluara për Monsinjor Simon Kullin.

‘U largua nga kjo jetë një zë i qetë, një njeri i përulur dhe një shërbestar i përkushtuar i besimit dhe komunitetit. Kontributi i tij në jetën shpirtërore të zonës sonë do të mbetet i gjallë te njerëzit që ai i ka prekur me fjalën dhe veprën e tij’, shkruan Boçi në Facebook.

Postimi i plotë:

Së bashku me drejtuesit e Degës së PD Vau Dejës z. Ndreca e z. Shaba dhe ish deputetin z. Hila dhe anëtarë e qytetarë, morëm pjesë në homazhet për Monsinjor Simon Kullin, bariun e urtë të Dioqezës së Sapës.

U largua nga kjo jetë një zë i qetë, një njeri i përulur dhe një shërbestar i përkushtuar i besimit dhe komunitetit.

Kontributi i tij në jetën shpirtërore të zonës sonë do të mbetet i gjallë te njerëzit që ai i ka prekur me fjalën dhe veprën e tij.

Ngushëllime të sinqerta familjarëve, klerit katolik dhe gjithë besimtarëve.

Shpirti i tij u prehtë në paqe dhe ndriçoftë në Parajsë.