Hetimi i krimit dhe korrupsionit/ Hoxha: SPAK bën propagandë për statistika, s'ndëshkohen zyrtarët!

Vendimi i Gjykatës së Posaçme për ish-drejtorin e Forcës Operacionale, Oltion Bistri, i cili u shpall i pafajshëm për akuzën e korrupsionit në kuadër të dosjes “Metamorfoza”, ka shkaktuar reagime, lidhur me perceptimin publik për luftën kundër krimit të organizuar.

I ftuar në emisionin ‘Kafe Shqeto’ në Syri Tv, gazetari Artan Hoxha thotë se kjo dosje, e konsideruar si një nga operacionet më të bujshme të SPAK pas “Plumbit të Artë”, duket se po pëson vetë një “metamorfozë”, duke ngritur pikëpyetje serioze mbi efektivitetin e hetimeve dhe qëndrueshmërinë e provave, teksa i referohet vendimit të fundit për Bistrin, një figurë qendrore në hierarkinë e Policisë së Shtetit.

Sipas Hoxhës, e gjithë dosja ishte ndërtuar kryesisht mbi komunikimet e zbardhura nga aplikacionet e enkriptuara Sky ECC dhe Encrochat, edhe pse këto komunikime shërbejnë si indicie të forta, ato nuk mund të konsiderohen prova absolute pa u mbështetur nga verifikime dhe hetime të tjera të thelluara, si infiltrime apo përgjime të autorizuara, një metodologji që prokuroritë e mëparshme e zbatonin me rigorozitet.

Kjo ngjarje ka nxjerrë në pah një problem më të gjerë që lidhet me funksionimin e reformës në drejtësi dhe vetë SPAK-ut, thekson gazetari Hoxha, që sipas tij, rezultati është një sistem që duket se operon në dy realitete paralele: një fasadë suksesi që i prezantohet partnerëve ndërkombëtarë dhe një realitet i hidhur për qytetarët, ku drejtësia vonon dhe korrupsioni nuk ndëshkohet realisht.

Këto probleme strukturore e bëjnë thuajse të pamundur dhënien e drejtësisë në kohë, duke minuar besimin e publikut dhe duke lejuar që fenomeni i pandëshkueshmërisë, të vazhdojë i patrazuar. Vendimi për Oltion Bistrin nuk është thjesht fundi i një procesi gjyqësor; ai është një sinjal i qartë se lufta kundër krimit të organizuar dhe korrupsionit kërkon më shumë se sa operacione të bujshme, shton ndër të tjera gazetari.

‘Kërkon hetime profesionale, prova të pakundërshtueshme dhe një vullnet real për të çmontuar rrjetet kriminale dhe për të kthyer pasuritë e vjedhura, sfida me të cilat sistemi i ri i drejtësisë ende po përballet’, theksoi Hoxha.

Së pari është një vendim i cili jepet dy vjet e gjysmë mbas atij operacionit të bujshëm të korrikut të 2023-shit. Pra ishte fillesa e asaj që cilësohet si ëh gjysma e SPAK-ut, e cila ka për detyrë të godasë kryesisht krimin e organizuar. Dhe mbahet si një nga, pra ishte mbas operacionit Plumbi i Artë, ky ishte operacioni i dytë, dosja e dytë e madhe e e cila u ëh etiketuam emrin Metamorfoza. Prandaj kjo që duket tani duket sikur Metamorfozën e ka pësuar gjykata andej, Metamorfozën, por duhet të kemi një gjë parasysh, që duhet ta shikojmë gotën gjysmë, një pjesë e shikon gjysmë plot, një pjesë e shikon gjysmë bosh. Në pjesën e marketingut dhe propagandës SPAK-u ka një mbështetje shumë të fortë.

Në momentin kur ka ndodhë në atë kohë operacioni, pra arrestimet, ato u shoqëruan për gati ja dy muaj të mirë me informacion të paparë, i cili rrodhi në media. Dhe kjo rrjedhje ishte rrjedhje me rubinet të kontrolluar, pra si lumit, pra nuk nuk rrjedh çdo gjë aty. Dhe ne e dimë shumë mirë që aty rrjedh ajo që duan të rrjedhin. Dhe e furnizuan mirë median për të dëshmuar që aty është bërë një punë e madhe e jashtëzakonshme. Në fakt, gjithë ajo punë ja ku është. Baza e e dosjes në atë kohë, nëse kujtoni, kanë qenë kryesisht të dhënat e ardhura nga rrjetet e enkriptuara, Sky dhe Encrochat. Ndërkohë u fol që në atë kohë që këto të dhëna shërbejnë si indicie, nuk mund të shërbejnë si prova finale gjenerale, e cila e çon dosjen në gjykatë. Dhe para se të bënte këtë gjë duhet të ishin bërë disa verifikime të tjera.

Për shembull, gjykata, ajo gjykata e keqe dhe ajo prokuroria e keqe e krimeve të rënda, që funksionoi nga 2004 e mbrapa, ëh, ata sot duken si naivë që ata bënin vetë përgjimet nga fillimi deri në fund, bënin infiltrime, pra kishin pjesëtarë të forcave të posaçme operacionale apo të sektorëve të tjerë të policisë që i infiltronin brenda radhëve të organizatave kriminale dhe pastaj ata e mbyllnin dosjen dhe e çonin para gjykatës. Në rastin konkret... zakonisht shoqërohen me dënimet e përjetshme. Në rastin, po pikërisht pra dënime më të mëdha i kanë dhënë ata. Dhe unë prandaj po them që ëh puna nuk matet, se dëgjova dje dhe një statistikë tjetër që jepet meqenëse kreu i SPAK-ut ka shkuar në Bruksel dhe BE-ja thoshte, është shumë e rëndësishme thoshte mbështetja e strukturës për anëtarësimin e Shqipërisë në BE.

Në fakt, shumë e rëndësishme nuk është mbështetja e vetëm një instrumenti që ka drejtësia e vendit. Duhet të jetë i gjithë sistemi. Pra, sepse në këtë formë i bie që ju po mbështesni, pra kur them ju, Bashkimi Europian, po mbështet një reformë false, e cila është vetëm fasadë, e cila është vetëm ato 20 kamerat që rrinë te dera e SPAK-ut, ndërkohë tek gjithë gjykatat e tjera ku është populli, se aty s'është populli, s'shkon askush. Dhe ne e marrim vesh se çfarë ndodh te të tjerat kur vjen, zbret ai zotëria nga Dukagjini edhe e bën vetë gjyqësinë në mes të sallës së gjyqit, siç nuk ka ndodhur në historinë e Shqipërisë. Madje as në Europë, është rast shumë i rrallë, që shkon në sallë gjyqit dhe del te dera e pret policinë dhe i thotë jam unë thotë, mos ngatërroni me njerëzit, largohu poshtë, se kam bërë unë. Pikërisht pra. Pra, ne sot ndodhemi para kësaj fasade.

Dhe kjo është një problem tjetër që ka Shqipëria. Ne sikur jetojmë në dy botë paralele. Në botën reale që kanë shqiptarët dhe në botën që u serviret ndarë nga ambasadorët e, jeni mirë thotë ai. Ore kemi halle i thotë mileti këtu. Jo thotë ai, keni gabim. Jeni mirë. Kjo që po bëjnë këta është mirë. Thashë edhe njëherë, sistemi, reformat në drejtësi nuk është vetëm një instrument. Pra, në total, në të tërën, reforma qartazi sot mund ta themi me gojën plot që ka dështuar. Se ka dështuar. Sepse ka çuar stokun e dosjeve në 150.000. Sepse ka zgjatur kohën e gjyqeve, po marr vetëm divorcet, nga dy vjet në pesë vjet, madje dhe më shumë. U ankua e mbaj mend atë gjyq që kishte kryeministri me zotin Basha për shpifje, u deshën shtatë vjet. Pra, çdo gjë sot është, mungon me 40% numri i gjyqtarëve, u bë reforma e gjykatësve me zgjedhje. Mungon 40% e prokurorëve. Pra, në qoftë se ti ke një çështje si qytetar në Rreshen apo në Burrel, nuk ke shans ta zgjidhësh. Le që koha do të jetë e pafundme, por ti nuk ke shans të marrësh drejtësi kur e do ti.

Drejtësia mund të vijë, mund ta kapim gjenerata tjetër, por ti s'e kap dot. Dhe mbi të gjitha pastaj vijmë te pjesa kryesore. Dakord me statistika që na thotë ambasadori i Bashkimit Europian, se këta kanë bërë namin, se vetëm me statistika punohet aty. Por çfarë kemi parë ne gjatë këtyre gjashtë viteve të funksionimit të SPAK-ut? A ka rënë niveli i korrupsionit tek zyrtarët e lartë dhe i krimit të organizuar? Nuk na rezulton. Themi te shembujt. Se në nivel është krimi i organizuar, ta tregojë rreth rrotullimi i Rinasit. Flet më njeri për rreth rrotullimin? Nuk e kanë me qejf. Jo, a ka më një, nga vajtën ku çuan bënë? Tjetra, ja edhe një fjali këtu. Dhe, dhe te kjo e korrupsionit, a është ulur niveli i korrupsionit? Përkundrazi, sa më shumë kapen, aq më shumë rritet pazari. Pra, ka një mospërputhje. Dhe pastaj kjo është, kur jepen statistika që janë sekuestruar kaq prona, vijmë tek ajo që nisëm ëh, te Bistri. te bisedën, pra kur ti raporton që ke sekuestruar 65 milionë euro, një pyetje dhe qëllimisht, se meqenëse media dhe kontrollohen thashë, ata punojnë mirë me PR-in, askush nuk pyet ore sa nga këto 65 milionë euro janë sekuestruar zyrtarëve të lartë të korruptuar?

 Sepse ne po themi që ata kanë shtuar urën. Po ura nuk futet në thes. Atëherë ku janë paratë e urës? Si është e mundur? Ku ja, ku është FSDH-ja? Ku janë paratë e tyre? Ku janë paratë e ministrave të tjerë që janë në burg? Ku janë paratë e zëvendëskryeministres? Paratë e inceneratorit. Pra për sa kohë, inceneratorin harroje ti dhe unë po them, kap ndonjë gjë të vogël, le të mëdhatë, ato të mëdhatë nuk i kap dot. Por, për rastin e korrupsionit të zyrtarëve të lartë, që qëllimi kryesor nuk është burgosja e tyre se edhe në burg ata prapë përfitojnë nga taksat tona. Pagohet për çdo njeri nga ata nga 50 deri në 70 euro në ditë. Pra janë taksat e shqiptarëve. Gjithë problemi është që qëllimi kryesor i luftës ndaj korrupsionit është t'i kthesh taksapaguesve paratë e vjedhura. Tani, lind pyetja, ore ku janë paratë? Ku janë, ku i kanë çuar se nuk ka asgjëkundi? Ti vetë e pyet, dalin të gjithë fukarenj.

Ore si është e mundur? Pastaj kur i sheh deklarimet e pasurisë, marrin të gjithë shtëpi me okazion. Linda dhe Edi Rama kishin blerë tokë në bllok me 300 euro metri. Po mund ta kenë kapur me okazion. Okazion. Po edhe kishin blerë dhe apartament me 190 euro nëse nuk gaboj, metri katror. Kaq pak kanë blerë? Po aq ishte. Kaq pak, për kaq pak kanë lodhur ato. Janë munduar. Janë munduar, 190 euro metri në bllok në 2025. Që të kthehem edhe njëherë te pjesa e Bistrit dhe pastaj vijmë prapë. Te pjesa e Bistrit, pra, në moment, në ato momente na u shit që ka ndodhur kjo gjë, është një grup i madh i cili ka bërë çfarë s'kishte bërë. Patjetër akuzat ishin të vendosura mirë, por thashë, problemi ishte qepja e tyre. Dhe këtu është frika, kur ngrihet një dosje në ajër, rezultati është negativ. Që rezultati të jetë pozitiv dhe në rastin konkret, cili ishte problemi më i madh që kishte grupi i Bajrit? E mbaj mend? Ishin zgjedhjet. Janë hetuar për krim zgjedhor aty? Jo. Atëherë, pra krim zgjedhor, gjëja kryesore që ata kanë bërë që ne e kemi ndjerë. Vetëm Fredi Belerin e kemi në burg për krim zgjedhor. Është, është i hetuar. Edhe ai burgu iu kthye për shëndet, të shkojë në Bashkimin Europian. Por në parlamentin Europian, në rastin konkret, e kemi ne këtë natyrë të krimit, të hetuar? Jo. Ke nxjerrë video, si ka dalë ajo video aty në fushatë, që ata shkonin, kontrollonin se mos kishte ndonjë parregullsi. Po konstatonin për mbarëvajtjen.

Po as në Vorë nuk ndodhi kjo. Pra, kur s'ka ndodhur këtu në Vorë s'ka arrestime. Unë po flas këtu ku janë arrestimet. Pra, në rastin konkret ne jemi në këtë situatë. Dhe ky rezultat, nëse hetimi bëhet vetëm për propagandë dhe nuk bëhet, nuk është serioz, të sjell këtë rezultat. Na u fol, na u tha gjithë kohës atëherë që drejtori i operacionales, ishte një nga zyrtarët më të lartë të Policisë së Shtetit dhe shumë i rëndësishëm. Ishte totalisht i kompromentuar. Sepse operacionalja ka këtë detyrë, na thanë që kishte pasuri të pamatë. Tani ku jemi? Si është e mundur, si është e mundur se ne kemi thënë deri tani që gjykata certifikon vendimet e SPAK-ut. Atëherë ose SPAK-u ka bërë një gabim të madh me hetimin e kësaj dosje dhe s'e ka hetuar mirë, ose SPAK-ut i ka rrjedhur kontrolli, sepse SPAK-u është njësia që i kontrollon dhe gjyqtarët. Atëherë, më lejo të të pyes drejtpërdrejt. Pse doli Oltion Bistri? Vendimi i gjykatës në fakt nuk i ka dhënë pafajësi, por i ka rrëzuar akuzat, të cilat pastaj pasohen me konfiskimin, sepse këto janë prona të sekuestruara, jo të konfiskuara. Nga sekuestrimi në konfiskim është një, në mes një rrugë e gjatë, dhe është një det i tërë.

Dhe prandaj i bëj thirrje dhe këtyre ambasadorëve të BE-së, që gënjehen te statistikat në hyrje, jo te statistikat në dalje. Pra, ata shikojnë sa janë sekuestruar. Në fakt, duhet të shikojnë sa janë konfiskuar. Konfiskimi është pasuri që i shkon shtetit dhe i kthehet taksapaguesit. Në rastin konkret, ky është një dështim. SPAK-u duhet ta pranojë që në këtë histori me rastin e drejtorit, edhe pse ky ishte një drejtor që ka patur konflikt direkt me, sepse drejtori i operacionales është njeriu që komunikon direkt me SPAK-un. Direkt me kreun e SPAK-ut. Pjesa dërrmuese e operacioneve, sepse nuk ka qenë ndërtuar akoma BKH-ja siç është sot, të gjitha operacionet kryesore bëheshin me operacionalen. Dhe operacionalja ishte njësia që duhet ta zgjidhte, pra duhet të rakordonte me SPAK-un për të patur sukses. Dhe çfarë bënin? Ne mbajmë mend që gjatë asaj kohe na doli punonjësi i operacionales që shoqëronte Elvis Martinajn. Na doli në atë histori dhe ai para se të dorëzohej, komunikoi me shefin e tij. Nuk e morëm vesh kurrë çfarë i tha, sepse ka qenë një, një bisedë formale.

Pra verbale, nuk dihet, nuk kam parë proces verbal gjëkundi të jetë mbajtur për atë bisedë. Dhe në gjithë, në gjithë këto ngjarje të mëdha që kishin ndodhur gjatë asaj kohe, ato, nëse mund t'i quajmë dekonspirimi që thonë, na dekonspiron policia, u katandis me këtë vendim, kokoshi një thelë. Dhe përfundoi që aty kemi vetëm nxjerrje të sekretit, ndërkohë u tha që shiko aty kontrolloheshin lojërat e fatit, aty shkonte informacion për përdoruesit e lojërave të fatit. Madje ke një rast aty që i thotë ai, me kaq lekë sa, me kaq para sa jep ti, s'kam asnjë leverdi të merrem, po te tjerët klientët i ke të lodhur, domethënë se klientët e mi shkonin te kompani më të fuqishme. Pra, i gjithë kjo gjë që na u servir dhe që u përdor pafundësisht, edhe si shenjë suksesi, pra që u kap një drejtor i rëndësishëm, sot rezultati është ky.

Atëherë çfarë ka ndodhur aty? Sepse vijmë te një, te edhe vijmë te pyetja ime te një element tjetër. Si ishte e mundur se gjyqtari është prapë gjyqtarja e preferuar. E preferuar. Atëherë, nëse kemi një raport Ka konsensus, ka një tango këtu? Kjo është një gjë që do ta mësojmë në apel dhe do të shohim, SPAK-u reagoi duke thënë që do ta do ta apelojë çështjen. Gjë që është procedurë normale. Është automatike. Por deri në këtë moment, kështu siç shkoi dhe ky vendim, thashë është një vendim, sepse kjo është një çështje që ndër çështjet e para që ka të bëjë me Sky e Encrochat që do të shkojë në Strasburg. Ka një vendim gjykatës, e mban mend gjykata kushtetuese. Madje gjykata kushtetuese u vu në përgjim jo për, për vendimin, se vendimin e dhanë unanim ajo, po u vu në përgjim për zbardhjen, për zbardhjen e vendimit. Pra dhe të presim se si do ta vijnë të presim, sepse gjithmonë frika është Strasburgu. Dhe kjo është një çështje, avokatët e kësaj çështje, më shumë se çdo mbrojtës tjetër ligjor në çështjet e tjera, kanë punuar fort për të dokumentuar, për të provuar, për të sjellë të gjithë praktikën europiane në lidhje me përdorimin e rritjes së kriptuar Sky Encrochat. Pse? Sepse në vetvete ato si biseda, ato do të vendosin dhe standardin për çështjet e tjera.

Prandaj është e rëndësishme kjo dosje, sepse ato duhet ta, ato duhet ta ndanin, janë provë direkte apo janë indicie që të çojnë te prova. Dhe nëse ato do të shërbenin si indicie për të shkuar te prova, pra që ti do ta do të duhej një punë hetimi. Sepse shiko, ne po flasim për Bistrën, por ka dalë dhe prokurori. Po, Xhevahir Lita. E edhe kjo nuk është, s'është gjë e vogël. Thashë. Po i ngeli në fakt edhe në imagjinatën kolektive Bistrit, jo Litës. Në themel, në themel, po sepse Bistri ishte më i dukshëm. Në themel, po ta shikosh në themel çështjen, pra prokuroria e ka një, ka një mbrojtje, se thotë, në fund të fundit gjykata dha fajësi, por nuk dha fajësi për të gjitha akuzat tona, por dha fajësi vetëm për atë që thamë. Por problemi është që sot ti çado që të thuash për atë Bistrin, ka qenë kaq shumë e madhe ajo pjesa tjetër, sa duket e pabesueshme që, uau dhe njerëzit çuditen, o si doli ky. Po prapë, prandaj po them, ky është problemi që ka struktura dhe këtu vijmë te pjesa që the ti, a kemi të bëjmë, po përdor një term meqë po flasim për policinë, term policor.

Renea kur i thonë që ka ndonjë valixhe ose ndonjë çantë me eksploziv, bën një veprim që quhet shpërthim i kontrolluar. Pra, a kemi të bëjmë me një shpërthim të kontrolluar? Që është lënë, shiko unë po bëj sikur dhe ti bën sikur dhe se kanë luajtur aktorë të tjerë mbrapa? Ka një pyetje këtu që po qarkullon nëpër korridore. A është e mundur dhe e mundshme që të themi që Bistri ka vendosur të flasë dhe për gjëra të tjera dhe ndaj është pjesë e dosjeve të tjera, ndaj është marrë ky vendim? Shiko, Bistri është një njeri që di shumë gjëra, se ka qenë në pozicione drejtuese. Plus thashë ka qenë si të them, bashkëpunëtori kryesor i SPAK-ut për vite të tëra, sepse me atë bëheshin veprimet. Derisa ai, unë di që ai ka patur dhe debat direkt me Kreun e SPAK-ut. E ka pasur me Dumanin. Me Dumanin. E ka pasur direkt. Direkt. Dhe mund të jetë dhe kjo një, një rrethanë që e ka favorizuar atë. Por sot jemi para faktit të kryer. Bistri është dënuar vetëm për nxjerrje të sekretit. Kaq. Pjesa tjetër është rrëzuar. Gjithë ajo që na u tha ne, është rrëzuar. Tani kjo rrëzon atë aureolën e SPAK-ut, që e ka deri tani rendimentin e fajësive, e ka 100%. Pra, edhe pse në fakt ata thonë kemi fajësi, por nuk kemi këtë nivel. Të paktën deri dje se kanë se dolën 40 veta nga, doli një autobus me njerëz të pafajshëm aty. Zyra e propagandës atje nuk kujdeset shumë për ato çështje se nuk do të prish imazhin. Në kuptimin e mirë të fjalës do të të marr peng. Pas publicitetit do jesh sërish me ne, por te kjo pjesë kam një pyetje të fundit. Për t'iu rikthyer pak ngjarjes së Rinasit. Me thënë të drejtën, mua më duket, mua më duket, duke parë edhe lëvizjet e kryeministrit, sikur i mbaruan shokët që kishte për të shitur, dhe nga shokët tani e kanë radhën çunat. Me bekimin e kryeministrit.

Shiko. Pasi ja ka siguruar pak edhe rrugët se si do i pastronin paratë që i futën të gjitha te pallatet që donte kryeministri apo te projektet e tjera të mëdha të tij, tani nuk i duhen më. Këta janë shokë të vjetër, nuk është kaq kollaj. Por, ki parasysh që ata nuk i duan ndere shumë të mëdha nga kryeministri, sidomos ata që janë përfshirë te kjo histori. Se ata boll t'u lësh krahun hapur e dinë vetë ata se çfarë bëjnë. Në rastin konkret, ajo që po u bën kryeministri, po u garanton që me projektin Smart City do t'i kenë imazhet e aksionit, do t'i kenë në 3D, do t'i kenë të kuruara mirë, se këtë ofroi ai. Po na duhen kamerat. Ka parasysh ngjarjen e Rinasit. Do vendosi kamerat, por ngjarja e Rinasit është thjesht guri kilometrik i radhës. Do t'ia dëgjosh krismën. Në ngjarjen e Rinasit thashë u harrua, u fol se u fazë ditë që e kapëm njërin andej te Nikël, e nxorën në foto. Nuk ka asnjë lidhje me ngjarjen. Po ai u shfryu për momentin dhe në mendjen e publikut për shkak të propagandës, u krijua ideja që shiko këta e zbuluan njërin, po të tjerët prit tani se do ankohen. Jo, është e kundërta. Ata mbaruan punë, ikën dhe janë në terezi të vet duke pritur ngjarjen e radhës. Nëse nuk do ketë një reagim, do të dëgjosh ngjarjen e radhës. Ajo që duan ata nga kryeministri sot është pikërisht situata e cila është krijuar tashmë. Pra, që të ndodhë një ngjarje si ajo e Rinasit dhe të harrohet kaq shpejt, se ajo ndodhi paralel me ngjarjen e zëvendëskryeministres. Po për më tepër e cila ishte atë ditë në Rinas. Pra, nëse zëvendëskryeministre, pra, nëse nuk do ndodhte, ata nuk e kanë ditur se edhe mund ta kishin përcjellë, po se kanë ditur se kam pasur planin e vet të punës. Pra, ajo ka, policia nuk ishte sikur e dinte. Po policia, me ata policë që janë atje, shyqyr që nuk ka pasur ndonjë pasojë tjetër se mos.

Tani të hyjnë në mes të aeroportit ata, vetëm s'u duhej avioni, bënin një xhiro e ta ulnin prapë. Nuk ka ç'të i bën, të jemi koshient. Në këtë nivel që kemi ne, policia mund, mund t'i luftojë vetëm me parandalim, nuk mund t'i luftojë me kallash në dorë dhe dil e bëj postbllok. Tani ata janë me dokumenta policie vetë, kë të ndalojë policia? Ku si do t'i ndalojë ata? Për më tepër me atë fuqi zjarri që lëvizin ata, cili polic mendon ti që do bëhet dëshmori i atdheut në këtë moment, se ne t'ia japim titullin dëshmor menjëherë. Një. Më kujtohet një element. Polici që ishte në makinë nuk e mori titullin dëshmor. Sepse akoma nuk u vlerësua në komision, është vrarë në detyrë apo jo. Por, më kujtohet rasti i 2014-ës, i qershorit 2014, me policin e qarkullimit që u ndodh në atë atentatin ndaj Artan Santos. Ai u largua nga detyra mbrapa dhe e kam gjetur se punonte shofer fugoni, punonte nga Zogu i Zi për në Kurbin. Dhe e pyeta, ore ti, të shkoi mendja të kapje armën? Sepse ishte ballë për ballë me autorin. Dhe ai tha, autori më drejtoi armën. Po të donte më kishte vrarë tha, po nuk më vrau. Tani tha, as e çova në mend tha të prekja pistoletën, se unë jam polic qarkullimi dhe nuk instruktohem të prek pistoletën. Për të luftuar. Por, por tha, si i thashë, po a njoftove në sallë operative, se u tha që nuk njoftoi. Unë tha, mund të kem bërë thirrjen me decibelët më të lartë, se kam bërtitur kaq shumë tha sa dhe u tremba, që ndodhi kjo ngjarje dhe dërgoni përforcime, se aty u tha që përforcimet erdhën shumë vonë. Por tha, gjëja që mendova, në atë fragment sekondi kur më drejtua arma e vrasësit, ishte kjo tha, fëmijët e mi, a do t'i rrisja vetë, a do mi rriste Edi Rama? Mora një vendim, do t'i rris vetë. Dhe unë tha, s'jam më në radhët e policisë, se kishte qenë për 20 e ca vjet polic, por jam duke rritur fëmijët e mi vetë. Në të kundërt tha, do të isha dëshmor i atdheut tha dhe nuk e di se ç'do të ndodhte. Por jam i bindur tha që Edi Rama nuk do kujdesej për fëmijët e mi. Pra, në qoftë se ti e demotivon policinë, e çon në këtë derexhe, atëherë çfarë pret ti të ndodhi?

 Dhe prandaj po them, ajo skuadra që ka realizuar objektivin atje, po i çove edhe pamjet e Smart Cityt ti, se ata duan të dinë që mos kanë gabuar ta përmirësojnë për herën tjetër, se kur nuk goditet, pra ne jemi, ne themi, te krimi i organizuar që është maja e diamantit e krenarisë që ka SPAK-u sot, një nga dosjet kryesore ishte Metamorfoza. Fakti që Metamorfoza po del në këtë formë, atëherë do të thotë që aty ka një problem. Dhe ajo që thotë ambasadori i BE-së, ka një problem, se ambasadori nuk thellohet në atë që ndodh, por përpunon dhe ai opinionin dhe thotë po, po bëhet, është luftuar fort, është bërë nami. Dhe vijmë tek ajo që the ti pak më parë. A është ndaluar korrupsioni? Përkundrazi, janë rritur shifrat. A është ndaluar veprimtaria e krimit të organizuar? Përkundrazi, ata kanë ndikuar vetëm në një gjë. Kanë krijuar, u kanë dhënë hapësirë grupeve të reja, që unë i quaj grupet e hightech-ut, ata që merren dhe me teknologjinë, të cilët të bëjnë aktivitet narkotrafiku apo të fenomeneve të tjera, në përmasa shumë më të mëdha se këto që bënin pikërisht grupet që janë goditur. Dhe tjetra, një nga qëllimet kryesore që u goditën këto grupet e mëdha në Shqipëri, që na u tha ne në atë kohë dhe na u servir, po goditen të gjitha grupet kriminale që kanë ndikuar në procesin zgjedhor të 2021-shit.

Tani ke parë ti ndonjë nga këta që të penalizohet pikërisht për ndikim, fjala krim elektoral nuk është përmendur. Në zgjedhjet e 2021-shit ku opozita ishte jo shumë afër, por ishte e sigurt që do fitonte. Dhe këta ndikuan në përmbysjen e situatës. Ke parë që të jetë hetuar në këtë, në këtë formë? Nuk është hetuar në këtë formë. Gjithsesi, mbështetësit e e reformës vazhdojnë të na thonë që prisni, dilni se ka akoma, se ja e kapëm e kapëm, por ne nuk kemi kohë pafund që të presim edhe vetë SPAK-u se nuk është strukturë e përhershme, është strukturë e përkohshme dhe duke qenë strukturë e përkohshme, ajo duhet ta shfrytëzojë të gjithë kohën, të gjitha burimet njerëzore që ka për të dhënë efekt që ta ndiejnë qytetarët, jo për të dhënë thjesht imazh dhe statistika, por për të dhënë mesazhe konkrete dhe efekt konkret në terren.