Të shtëna në supermarketin e Spinea-s/ Arrestohen një shqiptar dhe një kosovar, tentuan vrasjen për xhelozi

Një 37-vjeçar shqiptar dhe një 33-vjeçar kosovar janë të dyshuarit kryesorë për tentativën e vrasjes në bashkëpunim të një shtetasi tjetër shqiptar, ngjarje e ndodhur natën mes 19 dhe 20 prillit të kaluar në parkingun e supermarketit Pam në Spinea. Për këtë arsye, karabinierët e Venecias kanë ekzekutuar një urdhër arresti ndaj dy të huajve.

Disa muaj më parë, 37-vjeçari dhe 33-vjeçari dyshohet se kanë sulmuar brutalisht një shtetas shqiptar në parkingun e supermarketit Pam, duke e qëlluar me armë zjarri në pulpë.

Sipas hetimeve, agresioni ka ndodhur për motive të dobëta. Ditët para dhunës, viktima dyshohet se kishte ngacmuar të dashurën e 33-vjeçarit kosovar, i cili, me ndihmën e 37-vjeçarit shqiptar, kishte tentuar ta gjente burrin për “t’i jepte një mësim”.

Ngjarja

Kur dy burrat arritën ta gjurmonin “prenë e tyre”, e sulmuan me grushte të forta në kokë. Viktima u strehua brenda supermarketit, duke marrë një shufër hekuri që kishte gjetur jashtë. 37-vjeçari shqiptar, i nxitur nga bashkëpunëtori i tij, qëlloi dy herë brenda supermarketit: një plumb e goditi rivalin në pulpë, ndërsa tjetri u përplas në murin e marketit, i cili në atë moment ishte plot me njerëz.