Meloni pret Presidentin Abbas në Romë: Paqe dhe rindërtim në Gaza, pa Hamas në të ardhmen e Palestinës

Nga Alba Kepi

Kryeministrja italiane Giorgia Meloni priti pasditen e sotme në Palazzo Chigi Presidentin e Palestinës, Mahmoud Abbas. Gjatë takimit, palët diskutuan mbi zhvillimet e fundit në Lindjen e Mesme dhe hapat e nevojshëm për paqen dhe stabilitetin në rajon.

Meloni theksoi domosdoshmërinë e konsolidimit të armëpushimit dhe nisjes së menjëhershme të procesit të stabilizimit dhe rindërtimit të Gazës, në përputhje me Planin e Paqes të ish-Presidentit amerikan Donald Trump. Ajo theksoi se çarmatimi i Hamasit është një hap i domosdoshëm, duke theksuar se ky grup nuk mund të ketë rol në të ardhmen e popullit palestinez.

Kryeministrja vlerësoi angazhimin e Italisë në ndihmën humanitare për popullsinë civile përmes nismës “Food for Gaza”, evakuimeve mjekësore dhe “korridorit universitar”. Ajo nënvizoi gjithashtu mbështetjen e Romës në trajnimet e forcave të policisë dhe në procesin e reformave të Autoritetit Palestinez.

Në përfundim të bisedës, Meloni dhe Abbas ranë dakord për rëndësinë e një zgjidhjeje politike të qëndrueshme të konfliktit, bazuar në perspektivën e dy shteteve. Qeveria italiane po përgatit një paketë të re ndihmash humanitare dhe për rindërtim, e cila do të prezantohet në Konferencën për Gazën që pritet të zhvillohet në Egjipt.