Me 4 qershor të vitit 2009, Vladimir Putin u konfrontua publikisht me oligarkun Oleg Deripaska në Pikalyovo të Rusisë
Gjatë një takimi të transmetuar në televizion që trajtonte trazirat ekonomike lokale, Putin i kërkoi me ton të ashpër Deripaskës të nënshkruante një kontratë për rihapjen e fabrikave dhe për të paguar 830 mijë dollarë paga të papaguara.
Pasi Deripaska nënshkroi dokumentin, ai harroi t’ia kthente stilolapsin Putinit. Ky i fundit ia kujtoi menjëherë, duke i thënë: “Dhe do ma kthesh stilolapsin?” Ky moment, i transmetuar në të gjithë vendin, u pa si një poshtërim publik i Deripaskës ndërkoh[ që Putin e portretizon veten si mbrojtës i punëtorëve.
Ngjarja nxori në pah stilin autoritar të Putinit dhe kontrollin e tij mbi elitën ruse, duke u bërë shembull i njohur i mënyrës së tij për të demonstruar pushtetin në publik.