VIDEO/ Largohet nga morgu trupi i 17-vjeçarit që humbi jetën tragjikisht në aksidentin në Vlorë

Një aksident i rëndë ka ndodhur rreth orës 01:30 të natës së kaluar në Vlorë, ku 17-vjeçari Leandro Shametaj humbi jetën tragjikisht. Sipas dëshmitarëve, makina që e përplasi po lëvizte me shpejtësi të madhe, dhe përplasja rezultoi fatale, duke lënë trupin e viktimës të dëmtuar rëndë.

LEXO EDHE: Tragjike/ Vlorë, 17-vjeçari përplaset për vdekje nga 'Porsche', familjarët presin prej orësh në spital

Pas ngjarjes, trupi i të riut u dërgua në morgun e spitalit të Vlorës, ku familjarët e tij përballën me një situatë të paprecedentë, mjeku ligjor nuk ka shkuar për të kryer ekspertizën, ndërsa trupi u lejua të largohej vetëm pas 9 orësh pritjeje nga familajrët.

Gjyshi i të ndjerit, i dërrmuar nga dhimbja, foli për SYRI TV:

“Unë jam gjyshi i të ndjerit. Djali i vajzës time u aksidentua mbrëmë në orën 12 të natës dhe u soll në morgun e spitalit të Vlorës. Kemi rreth 8 orë këtu dhe nuk vjen asnjë mjek për të bërë veprimet e nevojshme. Nuk e dimë çfarë shteti është ky, shtet që nuk punon. Rrinë 30 policë këtu e askush nuk merr asnjë masë për mjekun ligjor. Të vij unë e të marr kufomën pa ekspertizë? Një makinë ma vrau djalin me 220 km në orë dhe asnjë polic nuk ishte në vend. Ky nuk është shtet, është turp!”

LEXO EDHE: 'Na e lanë djalin 8 orë në morg' – Gjyshi i 17-vjeçarit që humbi jetën në aksident shpërthen në lot dhe akuza ndaj shtetit

Familjarët kërkojnë drejtësi dhe transparencë, duke theksuar se vonesa e autoriteteve dhe indiferenca ndaj jetës së një të riu të pafajshëm është e papranueshme.

Çdo minutë pritjeje ka shtuar dhimbjen e tyre, ndërsa qytetarët e Vlorës shprehin shqetësim për mënyrën se si shteti trajton raste emergjente dhe sigurinë e qytetarëve.