VIDEO/ Vinicius irritohet me Xabi Alonson, nuk përmbahet kur del nga fusha
Një moment i nxehtë u regjistrua në “El Clásico” mes Real Madridit dhe Barcelonës, teksa madrilenët udhëhiqnin 2-1. Në minutën e 70-të, trajneri Xabi Alonso bëri dy zëvendësime njëkohësisht, duke larguar Federico Valverden dhe Vinicius Junior-in për t’i zëvendësuar me Dani Carvajal dhe Rodrigo.
Vinicius, që ishte një nga lojtarët më aktivë dhe më rrezikshëm të ndeshjes deri në atë moment, nuk e priti mirë vendimin. Braziliani reagoi me nervozizëm, duke folur dhe bërë gjeste ndërsa ishte në fushë. Pas largimit, ai nuk i dha dorën askujt dhe u nis direkt drejt zhveshtores, duke shfaqur irritimin e tij ndaj trajnerit. Momenti u kap nga kamerat dhe shpërtheu reagime të shumta në rrjetet sociale.
I understand him, Vinicius Jr was cooking and this is the biggest game.
— TC (@totalcristiano) October 26, 2025
pic.twitter.com/RDMiuCN4o7
Pavarësisht tensionit, Real Madridi arriti të ruante avantazhin ndaj Barcelonës dhe fitoi ndeshjen 2-1. Reagimi i Vinicius-it ndaj zëvendësimit pritet të jetë temë diskutimi në orët dhe ditët në vijim.
Ky episod shton një tjetër dimension emocionues në rivalitetin e përjetshëm mes Real Madridit dhe Barcelonës, duke treguar se edhe fitoret mund të shoqërohen me tension të brendshëm në skuadër.