Kurti prezanton kabinetin qeverisës 'Kurti 3' për të cilin kërkon votën, 1 mld euro investim në mbrojtje
Mandatari për kryeministër, Albin Kurti, prezantoi para deputetëve kabinetin me të cilën synon të qeverisë edhe për katër vjet dhe për këtë kërkon votën e deputetëve.
Ai ka thënë se nuk ka arritur koalicione për bashkëqeverisje me ndonjë parti tjetër, por ka kërkuar votën që të qeverisë për të kaluar disa pika, me në krye buxhetin e shtetit
Kabineti qeveritar
Zëvëndëskryeministër i parë dhe ministër i Punëve të Jashtme dhe Diasporës - Glauk Konjufca
Zëvendëskryeministre e dytë dhe ministre e Drejtësisë - Donika Gërvalla
Zëvëndëskryeministër i tretë për Çështje të Pakicave dhe Bashkëpunim Ekonomik - Fikrim Damka
Ministër i Financave dhe Ekonomisë - Hekuran Murati
Ministër për Familje dhe Mirëqenie Sociale - Andin Hoti
Ministër i Mbrojtjes - Ejup Maqedonci
Ministër i Punëve të Brendshme - Xhelal Sveçla
Ministër i Shëndetësisë - Arben Vitija
Ministër i Arsimit dhe Shkencës - Avni Zogjani
Ministër i Kulturës dhe Turizmit - Avni Spahiu
Ministër i Sportit dhe Rinisë - Blerim Gashani
Ministër i Administrimit të Pushtetit Lokal - Rasim Demiri
Ministre e Mjedisit dhe Planifikimit Hapësinor - Fitore Pacolii
Ministër i Bujqësisë, Pylltarisë dhe Zhvillimit Rural - Armend Muja
Ministër i Infrastrukturës dhe Transportit - Dimal Basha
Ministër i Tregtisë, Industrisë dhe Integrimeve Evropiane - Mimoza Kusari
Ministre e Energjisë dhe Minierave - Artane Rivzanolli
Ministër për Komunitete dhe Kthim - Nenad Rashiq
Ministër për Zhvillim Rajonal - Sejnur Veshaj
Do t'i investojmë 1 milard euro në mbrojtje
Gjatë prezantimit të programit qeverisës, Kurti ka thënë se reforma në drejtësi nuk ka qenë vetëm synim, por ka nisur të bëhet realitet. Ai tha se ai planifikon të shpenzojë 1 milard euro në mbrojtje gjatë mandatit të tij të ardhshëm, pasi "bota sot është më e paparashikueshme dhe më e pasigurt që nga fundi i Luftës së Dytë Botërore”.
Ai shtoi se investimet në mbrojtje do të bëhen përkrah angazhimit në aleancat me SHBA-në, BE-në e NATO-n.
Ai tha se gjatë mandatit të ardhshëm, “do të zhvillojmë industrinë ushtarake të Kosovës, do të shtojmë numrin e ushtarëve e oficerëve” si dhe do të bëhet fabrika e municioneve dhe dronëve në Kosovë.
Raportet me Serbinë
Kurti është zotuar se nëse e fiton edhe një mandat të ri në pushtet, ai do t’i qaset dialogut me Serbinë – të ndërmjetësuar nga Bashkimi Evropian – në përputhje me një marrëveshje për normalizim marrëdhëniesh të arritur në Bruksel dhe aneksin e zbatimit, për të cilën palët janë pajtuar në Ohër të Maqedonisë së Veriut.
“Normalizimi është çështje e rregullimit të marrëdhënieve mes dy shteteve, si raport bilateral i jashtëm, e kurrsesi ndërhyrje apo përzierje në çështjet e brendshme”, ka thënë Kurti.