Ronaldo kërkon që Al-Nassr të marrë Lewandowski-n si lojtar të lirë verën e ardhshme

Cristiano Ronaldo mësohet  i ka kërkuar klubit të tij Al-Nassr të bëjë përpjekje për të transferuar sulmuesin e Barcelonës, Robert Lewandowski, i cili pritet të jetë lojtar i lirë në fund të sezonit 2025–26, ndërsa përgatitet të largohet nga ‘Camp Nou’.

Sulmuesi polak 37-vjeçar ka shënuar 105 gola dhe ka dhënë 20 asiste në 156 ndeshje për Barcelonën që nga viti 2022, duke përfshirë katër gola në nëntë ndeshje këtë sezon. Megjithatë, dëmtimet e vazhdueshme kanë hedhur dyshime mbi të ardhmen e tij afatgjatë në Katalunjë.

Ndërkohë që Atlético Madridi dhe disa klube të Premier League-s po ndjekin situatën e tij, mediat spanjolle raportojnë se Ronaldo, tashmë bashkëpronar i Al-Nassr, po shtyn për realizimin e këtij transferimi për të krijuar një dyshe ëndrrash në sulm.

Që nga bashkimi me Al-Nassr në janar 2023, Ronaldo ka shënuar 99 gola dhe ka dhënë 21 asiste në 112 ndeshje, duke mbetur një lojtar thelbësor edhe për Portugalinë, ndërsa afrohet Kupa e Botës 2026.

Me kontratë që skadon në qershor 2027 dhe me pensionimin që po afrohet, legjenda 40-vjeçare vazhdon të ketë ndikim të madh në politikat e klubit.

Lewandowski, i cili verën e kaluar refuzoi oferta të mëdha nga Arabia Saudite për të vazhduar garën për trofe evropianë, mund të tundohet këtë herë nga pagat marramendëse dhe nga mundësia për t’u bashkuar me rivalin e tij të gjeneratës në një klub që synon të dominojë futbollin aziatik.