'I kam parë të gjitha'/ Nuk ndalet Balluku: nga lavdet për periudhën osmane te pasioni për telenovelat turke

Në një samit biznesi me investitorët turq, ministrja Belinda Balluku ka shkaktuar sërish habi, këtë herë si konsumatore telenovelash, pasi lavdëron periudhën e pushtimit osman të Shqipërisë, zëvendësja e Edi Ramës, duke u përpjekur të fitojë simpatinë e të pranishmëve me tone të çuditshme për një përfaqësuese qeveritare ka treguar se ka parë të gjitha serialet turke. 

Për të qenë “më e afërt” me audiencën, Balluku deklaroi se është një ndjekëse e rregullt e telenovelave turke – një detaj që, më shumë se sa të përcjellë miqësi kulturore, ngre pikëpyetje mbi seriozitetin dhe përfaqësimin institucional në një aktivitet të këtij niveli. Dhe ajo që është më e çuditshme është kohë, ku e gjen kohën zëvendëskryeministrja kohën mes gjithë atyre punëve të shohë edhe telenovela, të cilat nuk të marrin pak kohë në 24 orë.
Fjala e Ballukut:

“Më kujtohet një blog i cili tregonte se disa prej aktorëve më të famshëm në Turqi janë pjesë e atij komuniteti prej gati 5 milionë qytetarësh që kanë një prejardhje apo origjinë nga toka shqiptare.

I kemi të gjitha mundësitë që Ezeli i ri, Bihteri e pikëlluar në kërkim të pasionit të humbur apo shokët e Sulejmanit të Madhërishëm të flasin shqip.

I nderuar zëvendës president, të siguroj që të gjithë shqiptarët që ndodhen në këtë sallë kanë parë serialin e Sulejmanit të Madhërishëm pa humbur as edhe një seri, por jo vetëm atë, edhe Kosemin, edhe të gjithë të tjerët, dhe e kam bërë edhe unë që ta dini. Ka qenë një nga pjesët më të bukura të argëtimit sepse më mësonte historinë për më tepër.”- tha Balluku në Samitin e biznesit Shqipëri – Turqi.