Dështimi në rrugëtimin drejt Botërorit, legjenda holandeze largohet nga drejtimi i përfaqësueses

Patrik Kluivert e ka mbyllur me Indonezinë. Eksperienca zgjati 10 muaj, ndërsa Indonezia nuk ia doli të kualifikohet në Botëror. Me tre fitore, një barazim dhe katër humbje, Kluivert largohet jo pa peng.

Fundi i bashkëpunimit erdhi me marrëveshje mes palëve.

“Dhe pse jam i zhgënjyer dhe më vjen keq që nuk ia dolëm për Botërorit, do të jem gjithmonë krenar për çfarë ndërtuam bashkë. Dua të falenderoj tifozët, lojtarët, stafin tim dhe zotin Erik Thohir”, u shpreh Kluivert.

Për Kluivert kjo eksperiencë erdhi pas asaj me Adana Demirspor.